Maýsym aıynda Astanada toleranttyq pen mádenıetaralyq dıalog taqyrybynda EQYU konferentsııasy ótedi - Q. Saýdabaev
A. Qańtardyń 20-sy. QazAqparat /Qanat Mámetqazyuly/ - Aǵymdaǵy jyldyń maýsym aıynda Astanada toleranttyq pen mádenıetaralyq dıalog taqyrybynda EQYU konferentsııasy ótedi.
Búgin elordada EQYU-nyń qazirgi tóraǵasy, QR Memlekettik hatshysy-Syrtqy ister mınıstri Qanat Saýdabaev elimizde tirkelgen dıplomatııalyq korpýs ókilderimen kezdesýi barysynda osylaı málim etti, dep habarlaıdy QazAqparat.
«Adamı ólshemder bizdiń tóraǵalyǵymyz barysynda da EQYU-nyń kún tártibindegi mańyzdy máseleleriniń biri bolyp qala beredi. Qazaqstan BDIPCh, Ulttyq azshylyq isteri jónindegi Joǵarǵy komıssar qyzmetine, erkin BAQ ókilderine qoldaý kórsetýdi jalǵastyratyn bolady. Óz elimizde etnıkaaralyq jáne konfessııaaralyq kelisimdi qamtamasyz etýdiń oń tájirıbesin ıelene otyryp, biz toleranttyq pen mádenıetaralyq dıalogty EQYU keńistiginde Tóraǵalyǵymyzdyń mańyzdy basymdyǵy retinde qarastyramyz. Dál osy máselege arnalyp Astanada maýsymnyń 29-30-y aralyǵynda EQYU Konferentsııasy ótedi. ıAǵnı, konferentsııa toleranttyq pen kemsitpeýshilikke arnalady dep josparlanýda», dedi Q. Saýdabaev.
