Maýsym aıynda aptap ystyq bolady - Qazgıdromet

NUR-SULTAN. QazAqparat – Maýsym aıynda elimizdiń basym bóliginde 40°S aptap ystyq bolady dep boljanyp otyr, dep habarlaıdy QazAqparat «Qazgıdromet» RMK baspasóz qyzmetine silteme jasap.

Sınoptıkterdiń boljamynsha, maýsym aıynyń basynda Qazaqstannyń batys jáne ońtústik óńirlerinde jazǵy aýa raıy saqtalady. Kúndiz +25+33°S, Mańǵystaý oblysynyń ońtústiginde áldeqaıda ystyq +38°S.

Elimizdiń batysyn qospaǵanda, Qazaqstannyń kóptegen oblysynda atmosferalyq aǵyndardyń ótýine oraı ótkinshi jańbyr jańbyr jaýady, keı jerlerde naızaǵaı oınap, burshaq jaýady, qatty jel turady. Temperatýra fony salystyrmaly túrde tómen. Kúndiz +15+23°S, eldiń shyǵysy men ońtústik-shyǵysynda +20+28°S. Elimizdiń soltústik-batys bóliginde túnde soltústik antıtsıklonmen aýa temperatýrasy tómendeýi múmkin.

Maýsymnyń birinshi onkúndiginiń ortasyna qaraı, Jerorta teńizi men Orta Azııanyń shyǵys jaǵalaýynan keletin aýa massalary, respýblıkanyń barlyq aýmaǵynda óte ystyq aýa raıyn týyndatady. Osylaısha termometr baǵandary +28+36°S belgisine deıin, Qazaqstannyń shetki ońtústik-batysy men ońtústiginde jekelegen kúnderi +40°S-qa deıin kóterilýi múmkin.

Birinshi onkúndiktiń sońynda jáne ekinshi onkúndiktiń basynda — respýblıkanyń batysynda, sodan keıin eldiń qalǵan aýmaǵynda ystyq túse bastaıdy.

Maýsymnyń ekinshi jáne úshinshi onkúndiginde ekpindi jel, naızaǵaı, burshaq, shańdy daýyl men qysqa merzimdi jańbyr ystyq, turaqty aýa raıymen almastyrylady.

Aýa temperatýrasy aýytqýy yqtımal:

— Qazaqstannyń soltústik jartysynda túnde +15+22°S-tan +5+13°S-qa deıin, kúndiz +28+36°S-tan +18+25°S-qa deıin;

— eldiń ońtústik jartysynda túnde +18+26°S-tan +10+16°S-qa deıin, kúndiz +33+42°S-tan +25+30°S-qa deıin.

Bir aıǵa jasalǵan aýa raıy boljamyn keńes retinde paıdalaný kerek, ol keıinnen sınoptıkalyq jaǵdaıdyń ózgerýine qaraı túzetiledi jáne onkúndikke arnalǵan aýa raıy boljamdarymen naqtylanady.