Maýsym aıy bastalǵaly Qazaqstanda aýmaǵynda 13 adam sýǵa ketti - TJK
ASTANA. QazAqparat - Maýsym aıy bastalǵaly Qazaqstan aýmaǵynda 13 adam sýǵa ketti. Bul týraly búgin QR Tótenshe jaǵdaılar komıtetinde ótken baspasóz máslıhatynda osy vedomstvonyń resmı ókili Rýslan Imanqulov málim etti.
Onyń sózine qaraǵanda, bıyl sýǵa shomylý maýsymy bastalǵaly (1 maýsymnan) Qazaqstandaǵy sý qoımalarynda 13 adam sýǵa batyp ketti. Olardyń arasynda bir bala Almatyda sýǵa ketken.
Atap aıtqanda, jyl basynan beri qutqarý qyzmetteri sýda 154 adamdy qutqarǵan eken, onyń arasynda 31-i - balalar.
Al 2014 jyly 478 adam sýǵa batyp ketse, onyń ishinde 108 bala ajal qushqan.
Adamdardyń sýda qaýipti jaǵdaıǵa tap bolýynyń negizgi sebepteri júze bilmeý, óz kúshin baǵalaı almaýy, mas kúıinde sýǵa shomylý, balalardy baqylaýsyz qaldyryp ketý, jeke qutqarý quraldarynsyz balyq aýlaý, jabdyqtalmaǵan jerlerde sýǵa túsý jıirek oryn alýda.
Resmı ókildiń aıtýynsha, qazirgi kezde sý qoımalary, ózender men kólderdiń mańynda ornalasqan balalardyń demalys lagerlerindegi qaýipsizdik erekshe nazarǵa alynyp otyr. Osy oraıda bilim berý, densaýlyq saqtaý, jergilikti atqarý organdarymen birlesken keshendi sharalar iske asyrylýda. Munymen qosa, adamdar kóp jıanalatyn jaǵajaılardaǵy qaýipsizdikti qamtamasyz etý úshin qutqarý bólimsheleriniń jeke quramdary daıyndaldy.
