Maýsymda qazaqstandyqtarǵa 269 myńnan astam jeke kýálik pen pasport berildi
ASTANA. KAZINFORM – 2026 jyldyń maýsym aıynda Qazaqstanda azamattarǵa 269 myńnan astam pasport pen jeke kýálik rásimdeldi, dep habarlaıdy «Azamattarǵa arnalǵan úkimet» memlekettik korporatsııasy.
Memlekettik korporatsııanyń málimetinshe, jazdyń alǵashqy aıy demalys pen saıahat maýsymynyń bastalýyna baılanysty qujattardy jańartatyn azamattar sanynyń artýymen erekshelenedi.
– Tek 2026 jyldyń maýsym aıynda elimiz boıynsha Qazaqstan Respýblıkasy azamattaryna 269 myńnan astam pasport pen jeke kýálik berildi, – delingen habarlamada.
Osyǵan baılanysty memlekettik korporatsııa jazdyń alǵashqy aıynda qujattardy eń kóp rásimdegen óńirlerdiń reıtıngin jarııalady.
Mamandar azamattarǵa jeke kýálik nemese pasporttyń qoldanylý merzimi aıaqtalýǵa jaqyndasa, qujattardy sońǵy kúnge qaldyrmaı aldyn ala rásimdeýge keńes beredi.
– Jeke kýálik pen pasport 15 jumys kúni ishinde daıyndalady. Qajet bolǵan jaǵdaıda aqyly jedeldetilgen qyzmetti paıdalanýǵa bolady. Bul qyzmet aıasynda qujattar óńirge baılanysty 1-den 7 kúnge deıingi merzimde daıyndalady, – dep habarlady memlekettik korporatsııa.
Aıta keteıik, arnaıy HQKO-da daıyndalǵan qujattardy endi úıge jetkizýge bolady.
