Maýsym aıynda temperatýra 46 gradýsqa deıin kóteriledi
ASTANA. KAZINFORM – Konsýltatıvtik boljamǵa sáıkes, 2026 jylǵy maýsym aıynda aılyq ortasha aýa temperatýrasy elimizdiń basym bóliginde klımattyq normadan 1-2°S joǵary, al respýblıkanyń batys óńirlerinde norma shamasynda bolady.
Sonymen qatar, jaýyn-shashyn mólsheri respýblıkanyń basym bóliginde norma shamasynda boljanady, al eldiń batys pen soltústik-batystyń jekelegen aýdandarynda kópjyldyq ortasha kórsetkishterden kóp bolýy yqtımal.
Maýsymnyń birinshi onkúndiginde Qazaqstannyń basym bóliginde tsıklon men olarmen baılanysty atmosferalyq frontaldy bólikterdiń ótýine baılanysty aýa raıy turaqsyz bolady. Respýblıka boıynsha ótkinshi jańbyr, naızaǵaı, burshaq jáne ekpindi jel, al eldiń soltústik-batys jartysynda keı ýaqytta qatty jańbyr boljanady.
Eldiń ońtústigi men ońtústik-batysynda jekelegen kúnderi shańdy daýyl boljanady.
Aýa temperatýrasynyń birtindep joǵarylaýy kútiledi:
— eldiń batysy men ońtústik-batysynda, Aktóbe oblysynda túnde +6+12°S-tan +13+22°S-qa deıin, kúndiz +15+25°S-tan +27+32°S-qa deıin, al respýblıkanyń ońtústik-batysynda +35°S-qa deıin joǵarylaıdy.
Aýa temperatýrasynyń aýytqýy:
— eldiń soltústiginde, Qostanaı oblysynda túnde +11+16°S-tan +15+20°S-qa deıin, kúndiz +21+26°S-tan +28+33°S-qa deıin;
— eldiń ońtústiginde túnde +17+25°S-tan +13+18°S-qa deıin, kúndiz +33+40°S qatty ystyqtan +23+31°S-qa deıin, al eldiń ońtústik-shyǵysynda qatty ystyqtyń birtindep báseńdeýi +33+38°S-tan +20+27°S-qa deıin kútiledi.
Onkúndiktiń basynda respýblıkanyń shyǵysy men ortalyǵynda kúndiz aýa temperatýrasy +33+39°S-qa deıin joǵarylaıdy. Alaıda onkúndiktiń qalǵan kezeńinde aýa temperatýrasynyń negizgi fony túnde +13+20°S, kúndiz +25+33°S shamasynda bolady dep boljanady.
Maýsymnyń ekinshi jáne úshinshi onkúndikterinde ystyq aýa raıy kezeń-kezeńimen naızaǵaı, jeldiń kúsheıýi baıqalatyn salqyn ári jańbyrly kúnderge almasyp otyrady, al jekelegen aýdandarda burshaq pen shańdy daýyl bolýy yqtımal.
Temperatýralyq fon da turaqsyz bolady:
— eldiń batysynda, soltústiginde, ortalyǵynda jáne shyǵysynda túnde +8+18°S-tan +15+25°S-qa deıin, kúndiz +28+33°S-tan +35+39°S qatty ystyqqa deıin, al ortalyǵynda óte qatty ystyq +42°S-qa deıin jetedi;
— eldiń ońtústik jartysynda túnde +14+23°S-tan +20+28°S-qa deıin, kúndiz +28+33°S-tan +34+40°S qatty ystyqqa deıin, jekelegen kúnderi óte qatty ystyq +40+46°S-qa deıin aýytqýy boljanady.
Aıta ketelik aldaǵy kúnderi 36 gradýs ystyq bolatyny týraly jazǵan edik.
