Maýsym aıynda Qazaqstannyń tórt oblysynda qurǵaqshylyq bolady - sınoptıkter

ASTANA. KAZINFORM – «Qazgıdromet» RMK sınoptıkteri maýsym aıyndaǵy qurǵaqshylyq týraly boljamyn jarııalady.

Meteorologtardyń boljamynsha, 2024 jyldyń maýsym aıynda Qazaqstanda ylǵaldylyq negizinen uzaqmerzimdi mánderge jaqyn bolady dep shamalanyp otyr.

Atmosferalyq qurǵaqshylyq boljanyp otyrǵan aımaqtar:

- Qostanaı oblysy, Amangeldi jáne Jangeldi aýdandary;

- Mańǵystaý oblysy, Mańǵystaý jáne Qaraqııan aýdandary;

- Batys Qazaqstan oblysy, Kaztalov aýdany;

- Qaraǵandy oblysy, Shet aýdany.

Shyǵys Qazaqstan oblysynyń Katonqaraǵaı aýdanynda, Pavlodar oblysynyń Ýspen aýdanynda jáne Pavlodar qalasynda maýsym aıynda qalypty ylǵaldylyq boljandy. Respýblıkanyń qalǵan bóliginde osy aıda ylǵaldylyq normaǵa jaqyn bolady dep shamalanyp otyr.