Maýsym aıynda qazaqstandyqtar qansha kún demalady
ASTANA. KAZINFORM – 2026 jylǵy maýsym aıynda elimizde qosymsha demalys kúnderi bolmaıdy, sebebi bul aıda memlekettik merekeler qarastyrylmaǵan.
Elektrondy úkimet portalynda jarııalanǵan merekelik jáne demalys kúnderiniń kúntizbesine sáıkes, maýsymdaǵy barlyq demalys kúnderi tek ádettegi senbi men jeksenbige sáıkes keledi.
Osylaısha, bes kúndik jumys aptasynda el turǵyndary segiz kún demalady. Al alty kúndik jumys kestesi bar qyzmetkerler úshin tórt demalys kúni qarastyrylǵan.
Demek, maýsym aıy merekege baılanysty aýystyrylǵan nemese qosymsha demalys kúnderi joq jyldyń sırek aılarynyń biri bolmaq.
Eske salsaq, 27 mamyr kúni qazaqstandyqtar Qurban aıt merekesine baılanysty demalady. Musylmandardyń basty merekeleriniń biri sársenbide bastalmaq.
