Maýsym aıynda aýa raıy qandaı bolady — Qazgıdromet boljamy

ASTANA. KAZINFORM — «Qazgıdromet» RMK 2025 jyldyń maýsym aıyna arnalǵan Qazaqstan boıynsha konsýltatıvtik aýa raıy boljamyn jarııa etti.

Maýsym — jazdyń alǵashqy aıy. Bıyl bul aıda aýa raıy qubylmaly bolady dep kútilip otyr. Eldiń ár aımaǵynda ystyq pen salqyn kúnder alma-kezek aýysyp, naızaǵaı, jańbyr, burshaq, qatty jel, keı kúnderi shańdy daýyl bolýy múmkin.

Birinshi onkúndik

Joǵary temperatýralyq fonnyń áserinen búkil respýblıka boıynsha naızaǵaıly, ótkinshi jańbyr jıi jaýady.

• Keı kúnderi salqyn Atlantıkalyq aýa massalary kelip, aýa temperatýrasy tómendeıdi:

— Batys óńirlerde túnde +17…+22°C-tan +7…+12°C-qa deıin, kúndiz +27…+32°C-tan +20…+25°C-qa deıin tómendeıdi.

— Atyraý, Mańǵystaý, Aqtóbe, Qostanaı, Ulytaý oblystarynda túnde +18…+28°C-tan +12…+23°C-qa deıin, kúndiz +30…+38°C-tan +20…+30°C-qa deıin tómendeıdi. Biraq onkúndiktiń sońynda qaıta +25…+32°C-qa deıin jylynady.

Soltústik, ortalyq jáne shyǵys óńirler

• Soltústik pen ortalyqta birinshi onkúndiktiń ortasynda ystyq báseńdeıdi:

— Túnde +10…+15°C, keı jerlerde +7°C-qa deıin;

— Kúndiz +25…+30°C-tan +18…+25°C-qa deıin tómendeıdi.

— Shyǵysta túnde +10…+15°C, ońtústiginde +20°C, kúndiz +22…+30°C, keı jerlerde +35°C-qa deıin jyly bolady.

— Ekinshi onkúndiktiń basynda azdaǵan salqyndaý baıqalady.

Ońtústik pen ońtústik-shyǵys

• Ońtústikte jáne Jambyl oblysynda tipti túnde de ystyq kútiledi:

— Túngi temperatýra +20…+28°C;

— Kúndiz +35…+43°C deıin kóteriledi;

— Onkúndiktiń sońyna qaraı sál salqyndaıdy — +28…+33°C.

• Almaty men Jetisý oblystarynda aýa birtindep jylynady:

— Túnde +10…+20°C;

— Kúndiz +20…+35°C;

— Taýly aımaqtarda túnde +2…+12°C, kúndiz +10…+30°C.

Ekinshi jáne úshinshi onkúndik

• Batys, ońtústik jáne ońtústik-shyǵysta eń ystyq kúnderi temperatýra +33…+40°C, keı jerlerde +43°C-qa deıin jetedi.

• Salqyn kúnderi +22…+27°C shamasynda.

• Soltústik, ortalyq jáne shyǵysta aýa temperatýrasy túnde +15…+23°C-tan +2…+10°C-qa deıin, al kúndiz +25…+38°C-tan +15…+27°C-qa deıin aýytqıdy.

Buǵan deıin Qazgıdromet aýa raıyna baılanysty birqatar óńirde eskertý jarııalady.