Maýntınbaıktan ulttyq qurama bas bapkeri Azııa birinshiliginde altyn aldy
NUR-SULTAN. QazAqparat - Velosporttan Tashkentte ótip jatqan Azııa chempıonatynda Qazaqstan komandasy kezekti altyn medalin jeńip aldy. Masters sanatyndaǵy jekeleı synda maýntınbaıktan ulttyq quramanyń bas bapkeri Aleksandr Dymovskıh altynnan alqa taqty, dep jazady Olympic.kz.
Dymovskıh óz otandasy Gennadıı Krpýchkovtan 31 sekýnd alda bolyp, jeńimpaz atandy. 30 shaqyrymdyq qashyqtyqty sportshy 40:11.28 ýaqyt kórsetkishinde júrip ótken. Úshinshi orynda ırandyq Hosseın Mohamadıha.
Bul búgin velosporttan qurlyq dodasynda jeńip alǵan ekinshi altyn medal. Danıl Fomınyh jekeleı synda Azııanyń altynyn ıemdengen bolatyn.
