Maýntınbaıktan Qazaqstan quramasy Azııa chempıonatyn úsh medalmen aıaqtady
ASTANA. KAZINFORM — Tashkentte (Ózbekstan) ótken maýntınbaıktan Azııa chempıonatynda Qazaqstan quramasy bir kúmis jáne eki qola medal jeńip aldy. El qorjynyna kúmis júldeni HSO dıstsıplınasynda Denıs Sergıenko salsa, ıÝlııa Lı HSO jáne HSS baǵdarlamalarynda eki qola medal ıelendi. Bul týraly UOK málim etti.
Qazaqstan quramasynyń bas bapkeri Aleksandr Dymovskıh Olympic.kz saıtyna bergen suhbatynda jarys qorytyndysyna oń baǵa bergenimen, komandanyń budan da joǵary nátıjege qol jetkizýge múmkindigi bolǵanyn aıtty.
Onyń aıtýynsha, Azııa chempıonaty ulttyq quramanyń basty maqsaty – Azııa oıyndaryna daıyndyq aıasyndaǵy mańyzdy kezeń boldy. Jarys barysynda negizgi qarsylastar sanalatyn Qytaı men Japonııa quramalarynyń áleýetine erekshe nazar aýdarylǵan.
Bapker estafetalyq jarysta tehnıkalyq aqaý komandanyń nátıjesine áser etkenin atap ótti. Onyń sózinshe, jarys kezinde jas sportshylardyń biriniń velosıpedi isten shyǵyp, Qazaqstan quramasy tórtinshi orynmen shektelgen. Eger mundaı jaǵdaı bolmaǵanda, komanda altyn nemese kúmis júldege talasa alar edi.
Sondaı-aq Qazaqstan quramasy ózge sanattarda da júldege jaqyn boldy. Estafetada, short-trekte jáne 23 jasqa deıingi erler men áıelder arasyndaǵy jarystarda qazaqstandyq sportshylar tórtinshi oryn aldy.
Aleksandr Dymovskıh aldaǵy josparlarǵa toqtalyp, shilde aıynyń ortasynda ulttyq qurama Qostanaıda ótetin Qazaqstan chempıonatyna qatysatynyn aıtty. Odan keıin komanda Azııa oıyndaryna daıyndyqtyń negizgi kezeńine kóshedi. Josparǵa sáıkes, sportshylar Qytaı men Malaızııadaǵy Azııa serııasynyń halyqaralyq jarystaryna qatysyp, Azııa oıyndarynyń aldynda sońǵy oqý-jattyǵý jıynyn Japonııada ótkizedi.
Azııa oıyndarynda Qazaqstan quramasy tek kross-kantrı olımpık (HSO) baǵdarlamasynda baq synaıdy. Aldyn ala jasaqtalǵan quramǵa Denıs Sergıenko, Evgenıı Fedorov, Nıkıta Galkın, Tatıana Geneleva, ıÝlııa Lı jáne Vıoletta Kazakova engizildi.
- Eske sala keteıik, Azııa chempıonaty 23-27 maýsym aralyǵynda ótti.
