Máýlit merekesine arnalǵan shyǵarmalar báıgesiniń qorytyndysy shyqty
ALMATY. Naýryzdyń 13-i. QazAqparat /Erlik Erjanuly/ - Búgin Almatyda Qazaqstan musylmandary dinı basqarmasy haziret Muhammed sallallahý aláıhý ýá sálemniń ónegeli ómir joly týraly jazylǵan shyǵarmalar báıgesiniń qorytyndysyn jarııalady,
dep habarlaıdy QazAqparat.
«Jyl saıyn Máýlit merekesi qarsańynda Dinı basqarma «Kókjıek» baspasymen birigip Muhammed paıǵambardyń ónegeli ómir joly týraly jazylǵan shyǵarmalarǵa báıge jarııalap keledi. Bıyl oǵan elimizdiń túkpir-túkpirinen birneshe myń adam (3 myń) paıǵambarǵa degen súıispenshiligi týraly oılaryn hatqa túsirip jibergen eken. Onyń ishinde mektep oqýshylary da, stýdentter de, jalpy azamattar bar. Qazir bizdiń meshitterimizdiń barlyǵynyń jastarmenen tola ekendiginiń bir kepili dinimizge, paıǵambarmyzǵa degen súıispenshilikte jatqanyn ózderińiz ańǵarǵan shyǵarsyzdar. Olardyń bárine Alla razy bolsyn», deıdi Qazaqstan musylmandary dinı basqarmasynyń tóraǵasy, Bas múftı sheıh Ábsáttar qajy Derbisáli.
Onda oqýshylar arasynda da, stýdentter arasynda da úsh-úshten jeńimpaz jáne bes-besten yntalandyrý syılyǵynyń ıegerleri anyqtaldy. Máselen stýdentter arasynda astanalyq Sandýǵash Orazbaeva birinshi, qaraǵandylyq Darqan Shalqybaev ekinshi oryn aldy. Oqýshylar arasynda Almaty oblysynan qatysqan Baqtııar Ahmetov birinshi, Balaýsa Saǵıdola úshinshi, al Soltústik Qazaqstan oblysynyń úmitkeri Darııa Ramazan ekinshi orynǵa ıe boldy.
