Máýlit merekesi aıasynda Astana qalasy «Nur Astana» meshitiniń ımamdary stýdent jastarmen kezdesedi

«Máýlit jáne ımandylyq» taqyrybyna arnalǵan jıynda «Nur Astana» meshitiniń bas ımamy Qalıjan Baıyrbekuly Máýlit aıynyń mán-maǵynasy týraly aıtyp, baıandama jasamaq. Sondaı-aq is-shara barysynda jas aqyndardyń oryndaýynda hadıster oqylyp, Muhammed Paıǵambarymyz sońǵy ósıetterine arnalǵan derekti fılm kórsetiledi.

Máýlit - arab sózi, qazaqsha «týylǵan kún» degen maǵyna beredi. Bul ataý Allah taǵalanyń eń súıikti pendesi, Adamnyń (ǵ.s.) Isa (ǵ.s.) paıǵambarǵa deıingi Alla taǵala elshileriniń sońǵysy Muhammedtiń (s.ǵ.s.) dúnıege kelýiniń qurmetine oraı sol aıǵa osy ataý berilgen.

Muhammed paıǵambar quraıysh taıpasynan, onyń ishindegi Banı Hashım áýletinen shyqqan. Týylǵan jeri - Mekke qalasy. Ákesiniń aty Abdýlla, anasynyń esimi Ámına. Paıǵambarymyz ata-anadan jalǵyz. Óıtkeni, ákesi perzenti dúnıege kelmeı turǵanda dúnıe salǵan. Anasynan 6 jasynda aırylǵan. Muhammed (s.ǵ.s) Isadan (ǵ.s) mıladı jyl sanaýy boıynsha, 571 jyl keıin, sáýirdiń 20-ynda, Hıjra jyl sanaýy boıynsha Rabıýl-áýýal aıynyń 12-si kúni dúnıege kelgen.

Barlyq maqtaý-madaqtaý, «Máýlit oqý» Paıǵambarymyz Muhammedke arnalǵan. Qazir máýlit Qazaqstan musylmandar dinı basqarmasynyń uıymdastyrýymen búkil elimizde toılanýda. Máýlit áýeli meshitterde oqylady, sonan soń kópshiliktiń qatysýymen aýdandyq, oblystyq, respýblıkalyq deńgeıde atap ótiledi. Qasıetti máýlit merekesi bir aıǵa sozylady.

Aıta keteıik, musylmandary 13 paıyzdy quraıtyn Sıngapýrdiń halqy Máýlit merekesin bir aı boıy toılaıdy. Al Ál-Farabı babamyzdyń zıraty jatqan Sırııa elinde bul mereke 3 aıǵa sozylady. Olar máýlit aıy bastalmaı turyp bir aı jáne Máýlit aıy bitken soń da taǵy bir aı qosyp 3 aı boıy merekeleıdi.