Máýlit aıynda gúl saýdasy qyza tústi
ASTANA. QazAqparat - Islamabadtyq gúl ósirýshiler úshin kúndiz kúlkini, túnde uıqyny tyıa turatyn kez kelip jetti, dep habarlady www.muslim.kz.
Sebebin aıta keteıik, Pákistan astanasynda bıylǵy jyly gúlge degen suranys «ushyp» tur. Dinı merekeler men halyqtyq meıramdar qatarynan kelgen qańtar aıynda ózgege qýanysh syılap, lebizin bildirgisi keletinderdiń kóbisi osy gúl satýshylardan keregin tabatyn kórinedi.
Sondaı-aq, qazirgi kezde eldegi shańyraq kóterip, úılengisi keletinderdiń de qatary kúrt kóterilgen. Jalpy, gúlge degen bundaı suranystar Ramazan aıynda, Aıt merekelerinde, qajylyq pen Máýlit merekesi tusynda tym artyp shyǵa keledi, deıdi gúl saýdasymen aınalysatyndar.
