Máýlet Álıhan batýttaǵy gımnastıkadan álem chempıonatynda kúmis júlde jeńip aldy

ASTANA. KAZINFORM — Qazaqstan quramasynyń ókili Máýlet Álıhan batýttaǵy gımnastıkadan jas erekshelikteri boıynsha Nankınde (Qytaı) ótken álem chempıonatynda kúmis medal jeńip aldy.

Máýlet Álıhan batýttaǵy gımnastıkadan álem chempıonatynyń kúmis júldegeri atandy
Foto: QR UOK

Qazaqstandyq sportshy 17-21 jas aralyǵyndaǵy gımnastar arasynda qos shaǵyn batýtta óner kórsetip, fınalda ekinshi orynǵa ıe boldy.

Birinshi oryndy 28,600 upaı jınaǵan reseılik Lev Býsarev ıelendi. Al amerıkalyq Keısen Maag 23,900 upaımen qola júldege qol jetkizdi.

Eske salaıyq, buǵan deıin Dmıtrıı Panarın badmıntonnan halyqaralyq týrnırde kúmis júldeger atanǵanyn habarlaǵan edik.