Máýlen Áshimbaev túrki yntymaqtastyǵy týraly: Bul – geosaıası joba emes

ASTANA. KAZINFORM – Astanada Túrki memleketterdiń Parlamenttik Assambleıasynyń kezekti otyrysy ótip jatyr. Jıynda sóz alǵan Parlament Senatynyń tóraǵasy Máýlen Áshimbaev túrki yntymaqtastyǵynyń basym baǵyttaryna toqtaldy.

- Ulttyq tutastyqqa syna qaǵý, elder arasyna iritki salý beleń alǵan qazirgi dáýirde ózimizge tán osy biregeılikti saqtaý asa mańyzdy mindet desek, artyq bola qoımas. Bul ózara birligimizdi nyǵaıtýǵa yqpal etedi. Sondaı-aq, mádenıetti, mentalıtetti jáne ıdeologııany biriktirip, jahandyq ortada joǵalmaı, batyl qadamdar jasaýǵa jol ashady. Mádenı jáne rýhanı birlikke negizdelgen odaqtyń irgesi qashan da berik, keleshegi jarqyn bolady, - dedi ol.

Onyń paıymdaýynsha, túrki elderiniń bolashaǵy mádenı jáne tarıhı muralarymyz ben biregeıligimizdi saqtaýǵa tikeleı baılanysty. 

- Bul – geosaıası joba emes. Bul – ortaq tarıh, tili qundylyqtar jáne maqsat-mindetter biriktiretin mádenı-ekonomıkalyq zamanaýı yntymaqtastyq. Bul rette áleýmettiń, adamı kapıtaldyń mańyzy zor, - dedi Senat tóraǵasy.

Buǵan deıin Qazaqstan, Ázerbaıjan, Qyrǵyzstan jáne Ózbekstan jáne Soltústik Kıpr Túrik Respýblıkasy parlamentteriniń spıkerleri Ulttyq ǵarysh ortalyǵyna baryp, ǵarysh apparattaryn qurastyrý-synaý kesheniniń jumysymen tanysqanyn jazǵan edik.