Máýlen Áshimbaev: «Kórpege qaraı kósilý» – aldaǵy kezeńge arnalǵan mańyzdy mindet
ASTANA. KAZINFORM – Senat spıkeri Máýlen Áshimbaevtyń tóraǵalyǵymen Palata janyndaǵy Sarapshylar klýbynyń otyrysy ótti. Onda sarapshylar Memleket basshysynyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda aıtylǵan ekonomıkalyq damýdyń negizgi basymdyqtaryn jáne Prezıdent júktegen mindetterdi iske asyrý jolyndaǵy birlesken jumystyń formatyn talqylady. Іs-sharaǵa Qazaqstannyń Qarjy mınıstri Mádı Tákıev qatysty.
Otyrysty ashqan Máýlen Áshimbaev bıylǵy Joldaý Memleket basshysy júrgizip otyrǵan reformalardyń qısyndy jáne dáıekti jalǵasy ekenin atap ótti.
Sondaı-aq Senat Tóraǵasy ekonomıkalyq reformalardyń mańyzyna toqtalyp, keıingi bes jylda respýblıkalyq bıýdjettiń kirisi 80 paıyzǵa artqanyn tilge tıek etti. Alaıda, bul oń úrdis bıýdjet shyǵystarynyń ósýimen sáıkes kelmeıdi. ıAǵnı shyǵystar kiristerden eki ese kóp.
«Prezıdentimiz Qasym-Jomart Kemeluly Toqaev Joldaýda ekonomıkalyq blokqa basa mán berdi. Atap aıtqanda, memlekettiń aqsha-nesıe jáne fıskaldy saıasaty arasyndaǵy úılesimsizdikti joıý máselesine erekshe toqtaldy. Bul baǵytta biz kórpege qaraı kósilýimiz kerek. Aldaǵy kezeńge arnalǵan basty messedj osy bolýǵa tıis. Sondyqtan bizge kiristerdi teńgerimdi ulǵaıtý qajet», - dedi Palata spıkeri.
Talqylaý barysynda Máýlen Áshimbaev bıýdjet shyǵystaryn Ulttyq qor qarajaty esebinen jabý máselesine alańdaýshylyq bildirdi. Senat Tóraǵasy salyq bazasyn damytý jáne arttyrý úshin jańa yntalandyrý sharalary qajet ekenin aıta kele, Palata men sarapshylardyń osy saladaǵy birlesken jumysynyń basym baǵyttaryna nazar aýdardy.
«Salyq kodeksin ázirleý kezinde jeke tabys salyǵynyń saralanǵan mólsherin engizý jáne salyq jeńildikterin ońtaılandyrý múmkindigin qarastyrý kerek. Barlyq sáıkessizdik pen olqylyqty der kezinde joıý qajet. Óıtkeni bıznes naqty oıyn erejelerin talap etedi. Sondyqtan jazalaý tásilinen bas tartý jáne táýekelderdi basqarý júıesin jetildirý mańyzdy. Bul bıznesti odan ári damytýǵa jáne salyq bazasyn ulǵaıtýdy yntalandyrýǵa múmkindik beredi. Ekonomıkalyq damý úshin tıisti, onyń ishinde energetıkalyq ınfraqurylym qajet. Bul rette energetıka kózderin jańǵyrtýdyń máni zor. AES salýdyń qanshalyqty ózekti ekeni de osyndaı máselelerden týyndaıdy», - degen Máýlen Áshimbaev múddeli taraptardy Palatanyń zań shyǵarý jumysyna qatysýǵa shaqyrdy.
Óz kezeginde Qarjy mınıstri Mádı Tákıev ulttyq ekonomıkalyq áleýetti damytý, bıýdjet tapshylyǵyn azaıtý jáne qazirgi ózekti problemalardy eńserýdi kózdeıtin keshendi sharalar týraly aıtty. Sondaı-aq ol Ulttyq qor aktıvterin ulǵaıtý boıynsha júrgizilip jatqan jumystarǵa jáne memlekettik bıýdjettiń tıimsiz jumsalýyna qarsy kúres júrgizý baǵytynda qolǵa alynǵan tetikterge toqtalyp ótti.
Kezdesý barysynda Senat janyndaǵy sarapshylar klýbynyń músheleri – «Zertteu Research Institute» kommertsııalyq emes uıymynyń teń quryltaıshysy jáne atqarýshy dırektory Sholpan Áıtenova, «NAC Analytica» korporatıvtik qorynyń Basqarma tóraǵasy Rasýl Rysmambetov, Ekonomıkalyq zertteýler ınstıtýty tóraǵasynyń orynbasary Ádil Qusmanov, qarjy salasynyń analıtıgi Andreı Chebotarev jáne M.Lomonosov atyndaǵy MMÝ Qazaqstandaǵy fılıaly ekonomıka kafedrasy meńgerýshisiniń orynbasary ıÝlııa Baeva sóz sóılep, Joldaýda júktelgen mindetterdi iske asyrý jóninde óz usynystaryn aıtty. Іs-sharada qabyldanǵan zańnamalyq sharalardyń nátıjeleri men qoldanystaǵy jobalar jáne qazirgi zamanǵy syn-qaterlerdi eskere otyryp, basqa elderdiń tájirıbesine nazar aýdarý máselesi de sóz boldy.
