Máýlen Áshimbaev: Qazaqstanda tserebraldy sal aýrýyna shaldyqqan 18 myń bala bar

QR Parlament Senatynyń tóraǵasy Máýlen Áshimbaev Halyqaralyq tserebraldy sal aýrýymen kúres kúniniń mańyzyna toqtalyp, memleket atqaryp jatqan is-sharalardy atap ótti, dep habarlaıdy QazAqparat.

“Búgin álem Halyqaralyq tserebraldy sal aýrýymen kúres kúnin atap ótedi. Bul kún BTsS (DTsP) dıagnozy bar adamdar kezdesetin qıyndyqtarǵa, olardy sheshý úshin naqty sharalar qabyldaý keregine nazar aýdarý úshin bekitilgen”, - jazdy ol áleýmettik jelidegi paraqshasyna.

Statıstıka boıynsha álemde bul dertke shaldyqqan 17 mıllıonnan astam adam bar. Qazaqstanda olardyń sany 26 myńnan asady, onyń 18 myńy - bala.

Senat tóraǵasy Prezıdent Qasym-Jomart Toqaevtyń bastamasymen ádil jáne ınklıýzıv qoǵam qurý týraly kýrsy ashylǵanyn, memleket kedergisiz orta qurý máselesine basa nazar aýdaratynyn, adamdar syrqat túrine qaramastan teń dárejede áleýmettený jáne ózin damytýǵa múmkindik alý kerek ekenin aıtty.

“Jaqynda Senat janynan Inklıýzııa boıynsha keńes quryldy. Jańa alań túrli dıagnozy bar jáne múmkindigi shekteýli adamdarǵa jaǵdaı jasaýǵa kómektesedi”, deıdi Áshimbaev myrza.

Sondaı-aq ol áleýmettenýdiń mańyzdy bólikteriniń biri sport ekenine toqtaldy: elimizde qarqyndy damyp kele jatqan, sporttyń Paralımpıada túrine engen baǵyttardyń biri - bochcha. Bıyl bochchadan bizdiń qurama Azııa Paralımpıada oıyndaryna qatysady. Bul - qoldaý men jaǵdaı jasalsa, erekshe qajettiligi bar adamdar úshin alynbaıtyn qamal joq ekenin dáleldeıdi.

Sóz sońynda ol BTsS dıagnozy bar adamdardy qoldaýǵa arnalǵan jobalarǵa qatysýǵa shaqyrdy.