Máýlen Áshimbaev elimizdegi pravoslav ókilderin Pasha merekesimen quttyqtady
ASTANA. KAZINFORM – Máýlen Áshimbaev Qazaqstandaǵy pravoslav ókilderin Pasha merekesimen quttyqtady.
«Pasha meıirimdilik, súıispenshilik, meıirimdilik jáne janashyrlyq sııaqty zamanaýı álemde erekshe mańyzdy qundylyqtardy bildiredi. Olar jeke tulǵanyń rýhanı damýyna, qoǵamdaǵy beıbitshilik pen kelisimdi nyǵaıtýǵa negiz bolady. El Prezıdenti Qasym-Jomart Kemeluly Toqaev áralýandyqtaǵy birlik – ulttyq birlikti saqtaý men nyǵaıtýdaǵy negizgi qaǵıdatymyz ekenin atap kórsetedi.
Bul qaǵıdat qazirgi jahandyq syn-qaterler jaǵdaıynda asa mańyzdy sanalady. Qoǵamda ózara syılastyqty saqtaý, tarıhymyzǵa, salt-dástúrimizge, ortaq qundylyqtarymyzǵa qamqorlyq jasaý óte mańyzdy. Bul óz kezeginde elimizdiń ilgeri damýy men órkendeýiniń basty sharty sanalady. Búgingi tańda Qazaqstandaǵy pravoslav ókilderi elimizdiń basqa azamattarymen birge ortaq úıimizdegi beıbitshilik pen kelisimdi nyǵaıtýǵa zor úles qosýda.
Osy mereke kúni barshańyzǵa zor densaýlyq, amandyq jáne barlyq ıgi is pen bastamalarǵa sáttilik tileımin. Qazaqstandyqtardyń shańyraǵynda árqashan beıbitshilik, baqyt pen ózara túsinistik ornasyn», - dedi M. Áshimbaev.
