Máýlen Áshimbev: Bul meıram – asqaq rýh pen eren erliktiń sımvoly
«Bul meıram – asqaq rýh pen eren erliktiń sımvoly. Batyr babalarymyzdyń dańqty joly qashanda eldiń aıbynyn asyryp, urpaqqa uran bolyp qala beredi. Biz maıdan dalasynda janqııarlyq tanytqan atalarymyz ben ákelerimizdiń qaısarlyǵyn eshqashan umytpaımyz.
Jeńis kúnine oraı keshe Memleket basshysy Qasym-Jomart Kemeluly Toqaev «Otan Ana» monýmentine gúl shoqtaryn qoıyp, soǵysta qaza tapqan qazaqstandyq jaýyngerlerdiń rýhyna taǵzym etti.
Búgin qazaqtyń qaharman uly, eki márte Keńes Odaǵynyń Batyry, áıgili ushqysh-shabýyldaýshy Talǵat Bıgeldınovtiń eskertkishine arnaıy bardym. Ushqyr ushaqty erkin tizgindep, urys kezinde úlken erlik kórsetken batyrdyń esimin ulyqtaý, onyń ǵıbratty ǵumyryn jas býynǵa keńinen dáripteý aıryqsha mańyzǵa ıe. Mundaı qadam beıbit kúnniń qadirin arttyryp, qasıetin uǵyndyra túsedi dep senemiz.
Osynaý merekemen quttyqtaı otyryp, barshańyzǵa zor densaýlyq, amandyq jáne elimizge ashyq aspan tileımin!», - dep jazdy Máýlen Áshimbaev óziniń Facebook paraqshasynda.
