Máýlen Áshimbaev Japonııa jáne GFR elshilerimen kezdesti
Bul kezdesýlerde eki el yntymaqtastyǵynyń keleshegi men partııaaralyq dıalogty damytý jaıy keńinen sóz boldy. «Nur Otan» partııasy men Japonııanyń Lıberaldy-demokratııalyq partııasy Astana men Tokıo arasyndaǵy ózara qarym-qatynasty odan ári nyǵaıtýǵa belsendi túrde qatyspaq. Aldymen «Nur Otan» partııasy Tóraǵasynyń Birinshi orynbasary Qazaqstan men Japonııa arasyndaǵy áriptestiktiń mańyzdy faktory retinde eki el basshylarynyń jeke dostyq qarym-qatynasyn atap ótti. Sondaı-aq, ol Nursultan Nazarbaev pen Sındzo Abeniń óz elderindegi eń iri saıası partııalardyń kóshbasshysy ekenine de nazar aýdardy. Sonymen qatar Máýlen Áshimbaev Japonııany Qazaqstannyń mańyzdy saıası jáne ekonomıkalyq áriptesteriniń biri ekenin aıtty. Eki el ıadrolyq qarýdy taratpaý, qarýsyzdaný jáne jahandyq ıadrolyq qaýipsizdikti qamtamasyz etý salasynda tyǵyz yntymaqtastyqta jumys isteıdi. Elbasynyń qazaqstandyqtardyń aldyna qoıǵan tehnologııalyq jańǵyrý jónindegi mindetterine sáıkes aldaǵy ýaqytta ınnovatsııany engizý salasynda da áriptestik ornatýǵa jol ashyldy
«Qazirgi tańda Qazaqstan jańa tehnologııalardy damytý salasynda belsendi jumys isteýde. Biz Tórtinshi ónerkásiptik revolıýtsııa jaǵdaıyndaǵy syn-qaterlerdiń mańyzyn jaqsy túsinemiz. Sondyqtan ekonomıkamyzdaǵy ǵylymdy qajet etetin sektorlardy damytyp, jańa tehnologııalardy engizýdiń mańyzy zor. Japonııanyń robot tehnıkasy salasynda tájirıbesi mol ekenin jáne kóptegen ozyq ınnovatsııalyq jobalary baryn jaqsy bilemiz. Osy baǵytta Qazaqstan Japonııamen yntymaqtastyqty nyǵaıtýǵa tikeleı múddeli», - dedi «Nur Otan» partııasy Tóraǵasynyń Birinshi orynbasary.
«Nur Otan» partııasynyń halyqaralyq qatynastardy damytý baǵytynda Japonııanyń bıleýshi Lıberaldy-demokratııalyq partııasymen áriptestikti nyǵaıtý mańyzdy tetik bolyp sanalady. Osyǵan oraı ótken jyly «Nur Otannyń» arnaıy delegatsııasy kúnshyǵys eline baryp, Japonııanyń jetekshi saıasatkerlerimen kezdesti. Sonyń ishinde Lıberaldy-demokratııalyq partııasynyń basshylyǵymen de júzdesýer ótken bolatyn. Osy máselege nazar aýdarǵan Máýlen Áshimbaev endi nurotandyqtar japondar tarapynan partııamyz ben elderimizdiń baılanysyn jańa deńgeıge kóteretin osyndaı qadam kútetinin jetkizdi. - Biz ekijaqty ózara is-árekettiń aıasyn keńeıtýge múddelimiz. Sondyqtan japon áriptesterimizdiń Qazaqstanǵa qarymta saparmen kelgenin kórgimiz keledi. Bul sapar bizdiń ekijaqty yntymaqtastyǵymyz ben is-áreketimizge tyń serpin beretin tıimdi tetik bolady dep senemiz, - dep atap ótti Máýlen Áshimbaev.
Óz kezeginde elshi Itıro Kavabata Qazaqstan men Japonııa yntymaqtastyǵynyń joǵary áleýetin tilge tıek etip, aldaǵy ýaqytta eki el arasyndaǵy qarym-qatynastyń nyǵaıa túserine senim bildirdi. - Bizdiń elderimiz arasyndaǵy baılanys qarqyndy damyp keledi. Búginde biz qazaqstandyq áriptesterimizben syndarly áriptestik ornattyq. Ózara qarym-qatynasymyzdy tek partııaaralyq emes, elderimiz deńgeıinde de jańa bıikke kóterýge barlyq múmkindigimiz bar, - dedi Itıro Kavabata.
Kezdesý sońynda japon elshisi Japonııa Parlamentiniń Qazaqstanmen dostyq lıgasynyń jumys jospary men aldaǵy baǵyt-baǵdary týraly aıtty. Atalǵan lıga 1994 jyly Qazaqstan Prezıdentiniń Japonııaǵa jasaǵan alǵashqy resmı sapary kezinde qurylǵan bolatyn. Dostyq lıgasyna Japonııa Parlamentindegi 40 belsendi depýtat, Mınıstrler kabınetiniń ókilderi, palata basshylary jáne iri saıası partııalardyń jetekshileri múshe.
Germanııa Federatıvti Respýblıkasynyń Qazaqstandaǵy Tótenshe jáne Ókiletti Elshisi Rolf Mafaelmen kezdesýde de taraptar memleketaralyq jáne eki eldiń jetekshi saıası partııalary arasyndaǵy qarym-qatynasty nyǵaıtý múmkindikterin talqylady. «Nur Otan» partııasy Tóraǵasynyń Birinshi orynbasary Germanııa Qazaqstannyń Eýropadaǵy eń mańyzdy seriktesteriniń biri ekenin aıtty. Sondaı-aq, ol eki memlekettiń ózara is-áreketindegi erekshe qyrlary men ekonomıkalyq baılanystyń mańyzyna toqtaldy. - Elderimizdiń basshylary arasyndaǵy oń qarym-qatynas Qazaqstan men Germanııanyń syndarly jáne ózara tıimdi baılanysynyń negizi boldy. Germanııanyń Qazaqstan ekonomıkasyndaǵy iri ınvestorlardyń biri ekeni kóńilge qýanysh uıalatady. Sońǵy bes jyldyń kóleminde túrli saladaǵy 19 ınvestıtsııalyq joba júzege asyryldy. Ótken jyly Germanııa prezıdenti Shtaınmaıer myrzanyń Qazaqstanǵa jasaǵan saparynda taıaý jyldarǵa arnalǵan jalpy quny 1 mlrd eýrodan astam qarajatty quraıtyn qosymsha kelisimderge qol qoıyldy, - dep atap ótti Máýlen Áshimbaev.
Qazirgi tańda Qazaqstanda germanııalyq kapıtaldyń qatysýymen tirkelgen 1500-den astam kásiporyn men ekonomıkalyq qurylym bar. Іri nemis kompanııalary bizdiń elmen birinshi kezekte saýda-ekonomıkalyq salada ózara qarym-qatynasty damytýǵa múddelilik tanytyp otyr.
Kezdesý barysynda partııaaralyq dıalogty damytýdyń mańyzy da keńinen sóz boldy. - Eki jaqqa da tıimdi kóptegen birlesken jobalardy tabysty júzege asyratynymyzǵa senemin. Qazirdiń ózinde partııaaralyq qarym-qatynasta bizdiń elderdiń belgili bir deńgeıde tájirıbesi bar. Ótken jyly Germanııanyń Hrıstıan-demokratııalyq odaǵynyń shaqyrýymen nurotandyqtar Berlınde bolyp, birqatar jemisti kelissózder júrgizdi, - dedi «Nur Otan» partııasy Tóraǵasynyń Birinshi orynbasary. Sondaı-aq, Máýlen Áshimbaev Qazaqstandaǵy óńirlik oqý oryndarynyń bilim berý isinde nemis tehnologııasy qoldanylatynyn aıtyp: - Taıaýda Qaraǵandy oblysyna jasaǵan saparymda Temirtaý joǵary polıtehnıkalyq kolledjinde boldym. Ol jerde nemis áriptesterimizdiń qoldaýymen bizdiń stýdentterimiz úshin jańa múmkindikter qolǵa alynǵan. Keıbir synyptardy tolyǵymen Germanııa jabdyqtaǵan. Ol synyptarda sizdiń elińizde keńinen qoldanylyp júrgen qondyrǵylar men tehnologııalar ornatylǵan. Al Germanııanyń dýaldi oqytý júıesindegi mol tájirıbesi qazirgi tańda kóptegen qazaqstandyq oqý oryndarynda sátti júzege asyrylýda, - dedi.
Eki el arasyndaǵy baılanystyń jandana túskenine erekshe mán bergen Rolf Mafael ýaqyt ótken saıyn nemis saıahatshylarynyń Qazaqstanǵa degen qyzyǵýshylyqtary artyp kele jatqanyn jetkizdi. - Byltyr Astanada ótken EKSPO halyqaralyq kórmesine kelgen germanııalyqtardyń basym bóligi Qazaqstanǵa degen erekshe qyzyǵýshylyq tanytyp otyr. Sizdiń elderińizde bilim, ónerkásip jáne taǵy basqa salalarda nemis tájirıbesiniń qoldanylatyny men úshin úlken qýanysh. Osy rette jańa dýaldi oqytý júıesin Qazaqstannyń Bilim jáne ǵylym mınıstrligi men Germanııanyń jetekshi bilim berý qorlary birlesip daıyndaǵanyn da aıryqsha atap ótken jón, - dedi R.Mafael. Budan basqa nemis elshisi búginde «Nur Otan» partııasynda júrgizilip jatqan aýqymdy partııalyq jańǵyrý jumystaryna qyzyǵýshylyq tanytty. Soǵan oraı Máýlen Áshimbaev jańa partııalyq jobalar men reformalardyń basty baǵyttary jaıynda aıtyp, bul jumystardyń barlyǵy partııa Tóraǵasy Nursultan Nazarbaevtyń tikeleı bastamasymen qolǵa alynǵanyna nazar aýdardy. Іs-shara sońynda taraptar partııalyq qalyptasý jaıynda pikir almasyp, túrli salada birlesken jobalardy júzege asyrý múmkindikterin talqylady.
