Máýlen Áshimbaev Japonııa men Germanııanyń elshilerimen kezdesti
Onda taraptar eki el arasyndaǵy yntymaqtastyqty odan ári arttyryp, partııaaralyq dıalogty damytý jaıyn keńinen talqylady.
Qazaqstan men Japonııa arasyndaǵy dıplomatııalyq qarym-qatynas el táýelsizdiginiń alǵashqy jyldarynan bastap júıeli júrgizilip keledi. Sonyń arqasynda eki el arasyndaǵy yntymaqtastyq nyǵaıyp, túrli sala boıynsha serpindi damý baıqalady. Osy máselelerge nazar aýdarǵan «Nur Otan» partııasy Tóraǵasynyń Birinshi orynbasary bul memleket basshylarynyń deńgeıindegi dostyq qarym-qatynastyń nátıjesi ekenin aıtty.
Sonymen qatar ol eki eldiń saýda-ekonomıkalyq baılanysynyń damý kórsetkishterine de toqtaldy. Onyń aıtýynsha, qazirgi tańda Qazaqstan men Japonııa arasyndaǵy taýar aınalymynyń kólemi 2 mlrd. AQSh dollaryn quraıdy. Sondaı-aq 2005 jyldan beri atalǵan elden Qazaqstanǵa 6 mlrd. AQSh dollary kóleminde ınvestıtsııa tartylǵan. Eki eldiń saıası jáne ekonomıkalyq máselelermen birge óńirdegi qaýipsizdikti qamtamasyz etý, beıbitshilikti saqtaý, jahandyq túıtkilderdiń oń sheshilýine yqpal etý sııaqty ortaq múddeleriniń de bar ekenin atap ótken jón.
Óz sózinde «Nur Otan» partııasy Tóraǵasynyń Birinshi orynbasary Qazaqstan men Japonııanyń Parlament jáne partııaaralyq baılanystarynyń da joǵary deńgeıde ekenin tilge tıek etti. Odan bólek, bıyl «Nur Otan» partııasynyń 20 jyldyǵy ekenine kóńil bólip, soǵan oraı taıaýda ǵana ótken partııanyń kezekti XVIII sezi týraly aıtty.
«Sezde partııamyzben birge elimiz úshin de asa mańyzdy máselelerdi talqyladyq. Sonyń nátıjesinde partııanyń 2030 jylǵa deıingi baǵdarlamasy qabyldandy. Soǵan oraı el Úkimeti óz jumysynda osy baǵdarlamaǵa basymdyq beredi. Parlament Májilisindegi partııa fraktsııasy men elimiz boıynsha partııa fılıaldarynyń jumysy da osy baǵdarlamany júzege asyrýǵa baǵyttalady. Baǵdarlamada bizdiń kózdegen maqsattarymyz ben baǵyt-baǵdarymyz anyq kórsetilgen. Atap aıtqanda, qazaqstandyq otbasylardyń turmysyn jaqsartý, densaýlyq saqtaý men bilim berý salasyn damytý, ınfraqurylymdy jetildirý, ınklıýzıvti ekonomıkany qalyptastyrý, bıznesti damytý sııaqty qoǵamdaǵy ózekti áleýmettik máselelerdi oń sheshýge baǵyttalǵan naqty maqsattar bar», - degen Máýlen Áshimbaev sezde Memleket basshysy, «Nur Otan» partııasynyń Tóraǵasy Nursultan Nazarbaevtyń birqatar naqty tapsyrmalar bergenin atap ótti.
Óz kezeginde Japonııanyń Qazaqstandaǵy Elshisi Tatsýhıko Kasaı eki eldiń baılanysyn odan ári nyǵaıtýǵa kúsh jumsaıtynyn jetkizdi.
«Qazaqstan turaqty ekonomıkasy men saıası júıesi qalyptasqan el. «Nur Otan» partııasynyń sezinde Qazaqstan Prezıdenti «Nur Otan» partııasynyń jańa baǵdarlamasy áleýmettik sıpatqa ıe ekenin atap ótti. Osy rette japon tarapy atalǵan baǵyttaǵy yntymaqtastyqty odan ári kúsheıtýge múddeli ekenin jetkizgim keledi», - dedi elshi myrza.
«Nur Otan» partııasy Tóraǵasynyń Birinshi orynbasary Máýlen Áshimbaevtyń Germanııanyń Qazaqstandaǵy Tótenshe jáne Ókiletti Elshisi Tılo Klınnermen kezdesýinde eki el baılanysynyń damý qarqyny sóz boldy.
«Germanııa Qazaqstannyń Eýropadaǵy strategııalyq áriptesteriniń biri. Eki eldiń arasynda memleket basshylary, memlekettik organdar jáne saıası partııalar deńgeıinde dostyq áriptestik baılanys ornaǵan. Sońǵy jyldary bizdiń ekonomıkalyq baılanystarymyz da qarqyndy damýda», - degen Máýlen Áshimbaev eki eldiń saýda-ekonomıkalyq kórsetkishterine nazar aýdardy.
Onyń sózine qaraǵanda búginde Qazaqstan men Germanııa arasyndaǵy taýar aınalymy 2 mlrd. AQSh dollary shamasynda. Sondaı-aq kezdesýde Germanııanyń 2005 jyldan beri Qazaqstanǵa 8,6 mlrd. AQSh dollary kóleminde ınvestıtsııa salǵany da aıtyldy.
«Sondyqtan Germanııa elimiz úshin eń iri ınvestorlardyń biri bolyp sanalady. Aldaǵy ýaqytta osy salany odan ári damytamyz dep senemin», - dedi «Nur Otan» partııasy Tóraǵasynyń Birinshi orynbasary.
Іs-shara barysynda eki eldiń partııaaralyq baılanysy týraly da sóz boldy. Máýlen Áshimbaev «Nur Otan» partııasy men Germanııanyń Hrıstıan-demokratııalyq odaǵy arasynda tyǵyz baılanys ornaǵanyn aıtty. Sondaı-aq ol «Nur Otan»-nyń jaqynda ótken kezekti XVIII sezinde partııanyń jańa baǵdarlamasy qabyldanǵanyn jáne onda Qazaqstan Prezıdenti, partııa Tóraǵasy Nursultan Nazarbaevtyń Úkimetke áleýmettik salany damytýǵa arnalǵan naqty tapsyrmalar bergenin sóz etti.
«Sezde partııa Tóraǵasy halyqtyń áleýmettik jaǵdaıyn jaqsartyp, ál-aýqatyn arttyrýǵa baǵyttalǵan birqatar tapsyrmalar berdi. Atap aıtqanda, qazaqstandyq otbasylardyń turmys deńgeıin kóterý, baspanamen qamtý, bilim berý men densaýlyq saqtaý salalaryn jaqsartý jáne osyndaı basymdyqtardy búkil elimiz boıynsha júzege asyrý máseleleri qamtyldy. Sondyqtan aldaǵy ýaqytta partııa osy baǵyttarda Úkimetpen, memlekettik jáne jergilikti atqarýshy organdarmen birlesip jumys istep, Memleket basshysynyń tapsyrmalarynyń oryndalý barysyna baqylaý jrgizedi», - dedi Máýlen Áshimbaev.
Al Tılo Klınner Qazaqstan men Germanııa arasyndaǵy dostyq qarym-qatynastyń berik ornaǵanyna nazar aýdaryp, osy baılanysty odan ári damytý kerektigin aıtty.
- Qazaqstan Germanııanyń Ortalyq Azııadaǵy eń senimdi serigi. Bizdiń aýyl sharýashylyǵyn damytý baǵytynda da tájirıbe almasýǵa mol múmkindigimiz bar. «Nur Otan» partııasynyń sezinde aıtylǵan basymdyqtar boıynsha da baılanys ornatýǵa daıynbyz. Aldaǵy ýaqytta sol osy sezde qabyldanǵan «Nur Otan»-nyń jańa baǵdarlamasy Qazaqstandy jańa bıikke shyǵarady dep senemin, - dedi Germanııa elshisi.
