Máýlen Áshimbaev Japonııa Elshisimen ekonomıkalyq yntymaqtastyqty talqylady

NUR-SULTAN. QazAqparat - Parlament Senatynyń Tóraǵasy Máýlen Áshimbaev Japonııanyń Qazaqstan Respýblıkasyndaǵy Tótenshe jáne Ókiletti Elshisi Tatsýhıko Kasaımen kezdesti, dep habarlaıdy QazAqparat.

«Kezdesý barysynda parlamentaralyq baılanystardyń keleshegi, sondaı-aq ekijaqty ekonomıkalyq jáne mádenı-gýmanıtarlyq yntymaqtastyq máseleleri sóz boldy.

Máýlen Áshimbaev qazaqstandyq parlamentshilerdiń japon áriptesterimen ekijaqty jáne halyqaralyq parlamenttik uıymdar, atap aıtqanda, Parlamentaralyq Odaq aıasyndaǵy ózara nátıjeli yntymaqtastyqty odan ári damytýǵa múddeli ekenin atap ótti», - delingen Senattyń baspasóz habarlamasynda.