Máýlen Áshimbaev satyp alý júıesin jetildirý qajettiligi týraly aıtty
«Satyp alýlardyń qoldanystaǵy júıesin jetildirý qajettiligi bar. Ulttyq kompanııalardyń satyp alýlary kásipkerler úshin qol jetimdigi tómen. Memleket basshysynyń tapsyrmasy boıynsha Úkimet jyl sońyna deıin kvazımemsektordyń barsha satyp alýlaryn retteıtin ashyq tártipke negizdelgen zań jobasyn ázirleýi tıis», - dedi M. Áshimbaev Qazaqstanda shaǵyn jáne orta kásipkerlikti damytý salasyndaǵy memlekettik saıasatty jáne quqyqtyq retteýdi jetildirý taqyrybyndaǵy Parlamenttik tyńdaýda.
Osy oraıda bul sharalar satyp alýlardyń biryńǵaı terezesi arqyly júzege asyrý qajettigi aıtyldy.
«Shaǵyn jáne orta bıznesti damytý – elimizdegi kóptegen azamattardyń ómir súrý sapasyn jaqsartýǵa tikeleı qatysy bar másele. Sol sebepti, bul salaǵa qoldaý kórsetý asa mańyzdy», - dedi Senat Tóraǵasy.
Budan buryn habarlanǵandaı, bıyl qazandaǵy jaǵdaı boıynsha shaǵyn jáne orta bıznes sany 1 mln 300 myńnan asyp tústi.
Senat Tóraǵasy pandemııadan kem degende 800 myń otandyq kásipker zardap shekkenin jetkizdi.