Máýlen Áshimbaev: Partııa jumysyn ózgertetin ýaqyt jetti
Basqosýda partııa qyzmetin odan ári jańǵyrtý, Elbasynyń memlekettik baǵdarlamalardyń júzege asyrylý barysyna baqylaý júrgizý tapsyrmasyn jáne Saılaýaldy tuǵyrnamada aıtylǵan basym baǵyttardy oryndaý máseleleri keńinen talqylandy.
Jıynǵa Parlament Májilisindegi partııa fraktsııasynyń jetekshisi Gúlmıra Isımbaeva, fraktsııa músheleri jáne Ortalyq apparattaǵy qurylymdyq bólimderdiń ókilderi qatysty.
Máýlen Áshimbaev búginde nurotandyqtardyń aldynda turǵan basty mindet saılaýaldy baǵdarlamany júzege asyrýda partııa jumysynyń tıimdiligin arttyrý ekenin aıtty. Partııanyń Ortalyq apparaty men Májilistegi fraktsııasynyń jáne partııanyń óńirlik fılıaldary men jergilikti máslıhattardaǵy fraktsııalardyń ózara úılesimdi jumysy partııalyq jańǵyrýdyń negizgi tetigi bolmaq.
Sondaı-aq, «Nur Otan» partııasy Tóraǵasynyń Birinshi orynbasary fraktsııa ártúrli zań jobalarymen jumys barysynda apparattyń saraptamalyq resýrstaryna arqa súıeý kerektigin jetkizdi. Áleýmettik mańyzy bar degen zań jobalaryn baǵalap, sapaly usynystar daıyndaý úshin bul jumysqa sarapshylardy tartýdyń da bereri mol bolmaq. Odan bólek, halyq qalaýlylary partııa janyndaǵy Saıası menedjment akademııasynyń áleýetin de eskergeni jón ekendigi aıtyldy. Osyǵan oraı Máýlen Áshimbaev partııa janyndaǵy komıssııalardyń quramyn qaıta qarap, oǵan sarapshylardy meılinshe kóbirek qosýdy usyndy. Onyń aıtýynsha, búginde partııalyq kýratorlar ınstıtýtyn da aıtarlyqtaı kúsheıtip, jumysyn jandandyrý qajet. Sonyń nátıjesinde Elbasy júktegen mindetke sáıkes partııa jalpyulttyq kún tártibin qalyptastyratyn usynystarǵa uıytqy bolatyn aqyl-oı ortalyǵyna aınalýy tıis.
«Partııa jumysyn ózgertetin ýaqyt jetti. Barsha nurotandyqtar naqty nátıjelerge jumys isteıtin, shyn máninde halyqtyq partııa sanalatyn saıası uıym qurý úshin jańa qarqynmen, erekshe ekpinmen jumys isteýi tıis. Eger biz rasymen osyny qalaıtyn bolsaq, zamanǵa laıyq jańǵyrýymyz kerek», - dedi Máýlen Áshimbaev.
Іs-shara sońynda «Nur Otan» partııasy Tóraǵasynyń Birinshi orynbasary partııalyq kýratorlar men partııalyq komıssııalar jetekshilerine Elbasynyń partııany keshendi jańǵyrtý jónindegi tapsyrmasyn júzege asyrýǵa baǵyttalǵan birqatar tapsyrmalar berdi. Sondaı-aq, Máýlen Áshimbaev partııa janyndaǵy komıssııalar men keńesterdiń tıimdi jumysy elimizdegi jetekshi saıası kúshtiń bedelin ortalyq jáne jergilikti deńgeıde burynǵydan da arttyra túsetinine senim bildirdi.
