Máýlen Áshimbaev Parlament jumysynyń reglamenti ne sebepti ózgeretinin aıtty
«Bul otyrysta Qazaqstan Respýblıkasy Parlamentiniń jańa reglamentin qabyldaý máselesi qaralady. Saılaýǵa qatysty nemese basqa da máseleler talqylanbaıdy», - dedi M. Áshimbaev Senattyń jalpy otyrysynan keıin tilshiler suraǵyna jaýap bere otyryp.
Senat tóraǵasy bıylǵy referendým aıasynda Konstıtýtsııaǵa Parlamenttiń qos palatasy – Májilis pen Senat arasyndaǵy qatynastardy retteıtin normalar engizilgenin eske saldy. Atap aıtqanda, bul úderis ońtaılandyrylyp, zańdardy qaraý úderisi jyldam júredi.
«Osy oraıda biz reglamentti ózgertýimiz kerek, bul palatalar arasyndaǵy qarym-qatynasty retteıtin ishki qujat bolyp sanalady. ıAǵnı, Májilis zań jobalaryn qalaı qaraıdy, qujattardy qarastyrý merzimi, sondaı-aq olardy bekitý nemese qaıtarý talaptary eskeriledi. Bul turǵyda qos palatanyń ózara is-qımylyna qatysty osyndaı ózekti máseleler qaralyp, reglament qabyldanady», - dedi M. Áshimbaev.
Onyń aıtýynsha, osy másele aıasynda jumys toby qurylyp, onyń quramyna qos palata depýtattary kirgen. Olar Parlament palatalarynyń birlesken otyrysynda qaralatyn reglementti tolyqtyrý jáne ózgertý boıynsha usynystar daıyndady.
«Osy qujattyń qabyldanýynyń nátıjesinde, barlyq ishki rásimderimizdi konstıtýtsııalyq reformaǵa sáıkestendiremiz. Bolashaqta Májilis zańdardy qabyldaıdy, Senat maquldaıdy. Biraq Senattyń zańdy maquldamaýyna nemese naqty normalardy bekitpeýge, sondaı-aq Májilis qabyldaǵan kez kelgen normaǵa óz nusqasyn engizýge múmkindigi bar», - dedi ol.
Sonymen qatar Senat tóraǵasy 19 jeltoqsandaǵy Parlament palatalarynyń birlesken otyrysyna Memleket basshysy qatyspaıtynyn aıtty.
Budan buryn habarlanǵandaı, jaqynda Májilis tóraǵasy Erlan Qoshanov Parlament palatalarynyń birlesken otyrysyn shaqyrý týraly ókimge qol qoıdy.
