Máýlen Áshimbaev Ózbekstan Olıı Majlısi Senatynyń Tóraǵasymen kezdesti
Óz sózinde Máýlen Áshimbaev parlamentaralyq baılanysty odan ári damytýǵa múddeli ekenin aıtty. Sondaı-aq ol eki eldiń Memleket basshylary deńgeıindegi ózara senimge negizdelgen saıası dıalogtyń qarqynyna nazar aýdaryp, zań shyǵarý organdary arasyndaǵy yntymaqtastyqtyń mańyzdylyǵyna toqtaldy.
«Bizdiń elderimiz – odaqtas jáne strategııalyq seriktes memleketter. Qazaqstan men Ózbekstan arasyndaǵy yntymaqtastyq baýyrlastyqqa, ózara dostyq pen tatý kórshilikke, ǵasyrlar boıy qalyptasqan tarıhı jáne mádenı baılanystarǵa taban tireıdi. Sondaı-aq ekijaqty qarym-qatynas bizdiń Palatalar arasyndaǵy yntymaqtastyq jónindegi komıssııa arqyly da belsendi damyp keledi. Bul Komıssııa – zań shyǵarý qyzmetinde tájirıbe almasýǵa jáne ózara dıalogty damytýǵa múmkindik beretin tıimdi alań. Sonymen qatar biz aldaǵy ýaqytta Aral máselesi boıynsha da ózbek áriptesterimizben belsendi is-qımyldy jalǵastyramyz dep úmittenemiz», – dedi Máýlen Áshimbaev.
Kezdesý barysynda óńirlik yntymaqtastyqty odan ári keńeıtý máselesi de talqylandy.
Sonymen qatar Senat Tóraǵasy áriptesin Ózbekstannyń búkilhalyqtyq referendýmdy sátti ótkizýimen quttyqtady. Sondaı-aq Qazaqstanda Memleket basshysy Qasym-Jomart Toqaevtyń bastamasymen qolǵa alynǵan reformalardy iske asyrýdy zańnamalyq turǵydan qamtamasyz etý úshin júrgizilgen jumystar jóninde aıtty.
Óz kezeginde, Tanzıla Narbaeva Qazaqstanda júrgizilip jatqan saıası ózgeristerdi joǵary baǵalady jáne eki el Parlamentteri depýtattarynyń birlesken syndarly jumysy Qazaqstan men Ózbekstannyń strategııalyq ózara is-qımylyn nyǵaıtýǵa yqpal etetinine senim bildirdi.
