Máýlen Áshimbaev: Memlekettik rámizder kúni - otanshyldyq sezimin arttyratyn aıryqsha mereke

NUR-SULTAN. QazAqparat – Senat Tóraǵasy Máýlen Áshimbaev qazaqstandyqtardy Memlekettik rámizder kúnimen quttyqtady, dep habarlaıdy QazAqparat.

«Barshańyzdy Memlekettik rámizder kúnimen quttyqtaımyn!

Bul – eldik pen egemendikti dáripteıtin, ulttyń rýhyn asqaqtatyp, otanshyldyq sezimin arttyratyn aıryqsha mereke.
Bizdiń Týymyz, Eltańbamyz jáne Ánuranymyz Táýelsizdigimizdiń negizgi nyshany, memlekettiligimizdiń basty belgisi. Byltyr Prezıdentimiz Qasym-Jomart Kemeluly Toqaev Memlekettik týdy keńinen qoldanýǵa qatysty azamattardyń usynysyna qoldaý bildirgeni belgili. Sonyń nátıjesinde tıisti sheshimder qabyldanyp, kók baıraǵymyzdy paıdalaný aıasy keńeıtildi. Munyń ózi táýelsizdigimizdi nyǵaıtý jolyndaǵy qadamdardyń biri ekeni sózsiz.
Ultty ortaq múddege uıystyratyn mereke qutty da uzaǵynan bolsyn. Táýelsiz Qazaq eli jasaı bersin!», - dep jazdy Máýlen Áshimbaev Facebook-tegi paraqshasynda.