Máýlen Áshimbaev: Konstıtýtsııa – táýelsizdik pen memlekettiliktiń basty kepili

NUR-SULTAN. QazAqparat – Senat Tóraǵasy Máýlen Áshimbaev qazaqstandyqtardy Konstıtýtsııasy kúnimen quttyqtady, dep habarlaıdy QazAqparat.

«Konstıtýtsııa – táýelsizdik pen memlekettiliktiń, ósý men órkendeýdiń basty kepili. Ata zańymyz quqyqtyq, zaıyrly, áleýmettik jáne birtutas memleket bolyp qalyptasýymyzdyń negizin qalap berdi.

Bizdi búgingi jetistikterge jetelegen barlyq bastama, eń aldymen, elimizdiń basty qujatyna taban tireıdi. Aldaǵy ýaqytta da Memleket basshysynyń elimizdi jańǵyrtý baǵdaryn iske asyrýda Konstıtýtsııanyń mańyzy zor. Sondyqtan Ata zańymyzdy ardaqtaý – ár qazaqstandyqtyń azamattyq paryzy.

Merekemen quttyqtaı otyryp, ár shańyraqqa baq-bereke, elimizge beıbit ómir tileımin! Táýelsiz Qazaq eli jasaı bersin!», - dep jazdy Senat Tóraǵasy jelidegi paraqshasynda.