Máýlen Áshimbaev Irannyń din kóshbasshylaryn bıylǵy Sezd hatshylyǵynyń otyrysyna shaqyrdy

ASTANA. QazAqparat – Senat Tóraǵasy Máýlen Áshimbaev Iran Islam Respýblıkasynyń Qazaqstandaǵy Tótenshe jáne ókiletti elshisi Álı Akbar Djoýkarmen kezdesti. Suhbat barysynda eki el arasyndaǵy yntymaqtastyqty odan ári nyǵaıtý jáne seriktestikti keńeıtý máseleleri talqylandy, dep habarlaıdy QazAqparat Senattyń baspasóz qyzmetine silteme jasap.

Máýlen Áshimbaev Iran Qazaqstannyń ıslam álemindegi jan-jaqty yntymaqtastyq ornatylǵan jaqyn seriktesteriniń biri ekenin aıtty. Sondaı-aq Palata Spıkeri Qazaqstan Prezıdenti Qasym-Jomart Toqaevtyń 2022 jyly Iranǵa jasaǵan sapary ekijaqty qarym-qatynasqa aıtarlyqtaı serpin bergenin tilge tıek etti.

Sonymen qatar Senat Tóraǵasy Qazaqstan parlamentaralyq baılanysty odan ári damytýǵa múddeli ekenin aıtty jáne elimizde Memleket basshysynyń bastamasymen iske asyrylyp jatqan keshendi reformalarǵa nazar aýdardy.

Sondaı-aq ol Álemdik jáne dástúrli dinder lıderleriniń Sezine jeke toqtalyp, Irannyń din kóshbasshylaryn bıyl kúzde ótetin Sezd hatshylyǵynyń mereıtoılyq otyrysyna qatysýǵa shaqyrdy.