Máýlen Áshimbaev Facebook-te óz paraqshasyn ashty
M. Áshimbaev óz paraqshasynda alǵashqy jazbasyn qaldyryp, bul jerde ıdeıalardy kópshiliktiń nazaryna usynylatynyn, sondaı-aq partııanyń jumysyna qatysty naqty usynastar qabyldaýǵa daıyn ekendigin atap ótti.
«Búginde partııamyz jańǵyrýdyń jańa bıigine bet túzep, aýqymdy jumystardy qolǵa alǵan shaqta meniń de Facebook-ke tirkelýim zańdy qubylys ári der kezinde jasalǵan qadam dep esepteımin. Sebebi, bul jerde ártúrli ıdeıalar kópshiliktiń nazaryna usynylyp, qyzý talqylanatyny belgili. Olardyń arasynda bizdiń saıası uıym úshin de paıdaly bolýy múmkin ózekti oılar aıtylyp jatady», - dep toqtaldy ol.
Osy oraıda, partııa Tóraǵasynyń birinshi orynbasary Facebook arqyly eń ózekti máselelerdi talqylaýǵa múmkindik týatynyna senim bildirdi.
«Eger Sizdiń «Nur Otannyń» jumysyna qatysty syndarly pikirińiz, partııa qyzmetin jańǵyrtý jóninde naqty usynystaryńyz jáne basqa da máselelerge qatysty oılaryńyz bolsa, ony árdaıym jeke habarlama arqyly nemese m.ashimbayev@nurotan.kz elektrondy pochtama hat retinde joldaı alasyzdar. Ózderińizden utymdy oılar men parasatty pikirler bolatynyna senim bildiremin!», - dep atap ótti Máýlen Áshimbaev.
