Máýlen Áshimbaev, Bekbolat Tileýhan jáne Erlan Turǵymbaev «Barys» ordenin aldy
«ІІ dárejeli «Barys» ordenimen Parlament Senatynyń Tóraǵasy Máýlen Áshimbaev marapattaldy. Qazaq kınosynyń ardageri, belgili akter Nurjuman Yqtymbaev, elge tanymal hırýrg Serik Toqpanov jáne tanymal jazýshy Valerıı Mıhaılov ta ІІ dárejeli Barys ordenin ıelendi. Belgili óner ıesi, kórnekti qoǵam qaıratkeri, Májilis depýtaty Bekbolat Tileýhan ІІІ dárejeli Barys ordenimen marapattaldy», - dedi Memleket basshysy memlekettik nagradalar ıegerlerin marapattaý rásiminde.
Sonymen birge, ІІ dárejeli «Barys» ordenin alý úshin QR Іshki ister mınıstri E.Turǵymbaev, ІІІ dárejeli Barys ordenin alýǵa – «BI Group» holdıngi dırektorlar keńesiniń tóraǵasy Aıdyn Rahymbaev, «Samuryq-Qazyna» AQ basqarma tóraǵasy Almasadam Sátqalıev, «Qazaqmys Holdıng» JShS dırektorlar keńesiniń tóraǵasy Edýard Ogaı keldi.
Odan bólek, ІІІ dárejeli «Barys» ordenimen marapattalǵandar tiziminde «Nur Otan» partııasy Tóraǵasynyń birinshi orynbasary B.Baıbek, «Ulttyq banktiń Banknottyq fabrıkasy» RMK bas dırektory B.Áljanov, mádenıettanýshy K.Abaev, eńbek ardagerleri: M.Baıǵut, Ǵ.Baınazarov, R.Túsipbekov, Qazaqstan Qarjygerler qaýymdastyǵy keńesiniń tóraǵasy E.Bahmýtova, «Kardıohırýrgııa jáne transplantologııa ǵylymı-klınıkalyq ortalyǵy» JShS dırektory S.Joshybaev, «Nursultan Nazarbaev qory» JQ atqarýshy dırektory Q.Jumabaev, Ulttyq ǵylym akademııasynyń akademıgi Z.Dúısenbekov, «Montajspetsstroı» kompanııasy» AQ dırektorlar keńesiniń tóraǵasy E.Ejıkov-Babahanov, «Qazaqstan jazýshylar Odaǵy» RQB tóraǵasy U.Esdáýlet, aqyn H.Esenqaraqyzy, Nur-Sultan qalalyq qoǵamdyq keńesiniń tóraǵasy S.Esilov, Túrkistan oblystyq ardagerler keńesiniń tóraǵasy J.Máýlenqulov, «Jambyl atyndaǵy Qazaq memlekettik fılarmonııasy» RMKK ártisi N.Núsipjanov, «S.Asfendııarov atyndaǵy Qazaq ulttyq medıtsına ýnıversıteti» KeAQ professory K.Ormantaev, «T.Júrgenov atyndaǵy Qazaq ulttyq óner akademııasy» RMM professory E.Sergebaev, «L.Gýmılev atyndaǵy Eýrazııa Ulttyq ýnıversıteti» KeAQ basqarma tóraǵasy – rektor E.Sydyqov, Parlament Májilisiniń depýtaty B.Tileýhan, «Qazaqtardyń dúnıejúzilik qaýymdastyǵy» RQB tóraǵasynyń birinshi orynbasary Z.Turysbekov bar.
Buǵan deıin Prezıdent Qasym-Jomart Toqaev Táýelsizdiktiń 30 jyldyǵy qarsańynda el azamattaryna alǵys aıtqan edi.
Sondaı-aq, elimizdiń eń joǵary ataǵy – «Qazaqstannyń eńbek eri» marapaty úsh adamǵa tabys etildi.
«Otan» ordenimen eńbek ardageri, kórnekti melmeket jáne qoǵam qaıratkeri, belgili ǵalym Myrzataı Joldasbek pen tanymal aqyn Aqushtap Baqtygereeva jáne kórnekti jazýshy Sábıt Dosanov marapattaldy.
Al І dárejeli Barys ordenimen memleket jáne qoǵam qaıratkerleri – Nurtaı Ábiqaev, Darıǵa Nazarbaeva, Qýanysh Sultanov jáne belgili ǵalym Tilektes Esbolov, «Zenıt» Oral zaýyty» AQ bas dırektory Vıacheslav Valıev marapattaldy.