Maýı araldaryndaǵy órtten keıin 1 myńnan astam adam iz-túzsiz ketti
LAHAINA. QazAqparat - Gavaıı gýbernatory Djosh Grın Maýı aralyndaǵy joıqyn orman órtinen keıin 1000-nan astam adam iz-túzsiz joǵalǵanyn málimdedi. Іzdeý-qutqarý jumystary jalǵasyp jatyr, dep habarlaıdy QazAqparat The Hill basylymyna silteme jasap.
Gýbernatordyń aıtýynsha, 1050 shamasynda adam habar-osharsyz ketken.
Zardap shekkenderdi izdeý jumystary taǵy birneshe aptaǵa sozylady. Buǵan izdeý-qutqarý toptarynyń júzdegen múshesi men 41 ıt jumyldyrylǵan.
Orman órti saldarynan zardap shekken aýdandardyń 85%-y zertteldi.
Maýıdi sharpyǵan orman órti AQSh-tyń qazirgi tarıhyndaǵy eń joıqyny boldy.
Resmı tulǵalardyń baǵalaýynsha, tabıǵı apattan kem degende 114 adam qaıtys boldy, dep habarlaıdy NBC News.
Buryn 2000-nan astam adam joǵaldy dep sanaldy, biraq uıaly baılanys qalpyna keltirilgen soń kóptegen adamdar jaqyndarymen sóılese alyp, bul san birshama azaıǵan.
Mundaı joıqyn orman órti qurbandarynyń sanyn dál sanaý jáne olardy anyqtaý úshin aılar, tipti jyldar qajet bolýy múmkin ekeni atap ótiledi.
