Maýǵystaýda kólikke arnalǵan gaz baǵasy ar

AQTAÝ. QazAqparat - Mańǵystaý oblysynda keler jyly kólikke arnalǵan gazdyń baǵasy 10 paıyzǵa tómendeıdi. Osylaısha suıytylǵan otynnyń bir lıtri 45 teńgeden satylmaq, dep habarlaıdy QazAqparat Habar 24 portalyna silteme jasap.

Bul týraly óńirlik kásipkerlik jáne saýda basqarmasynyń mamandary málimdedi. Búginde aımaq turǵyndarynyń 70 paıyzǵa jýyǵy kólik gazyn tutynady. Osyǵan qaramastan jaǵdaı ótken 10 aıda turaqty boldy. Kólik gazynyń qazirgi qory 17 myń tonnadan asady. Aqtaýda avtogazdyń bir lıtri 50, al shalǵaı eldi mekenderde 65 teńgeden satylyp jatyr. Tımýr Sádýaqasov, óńirlik kásipkerlik jáne saýda basqarmasy basshysynyń orynbasary

«Energetıka mınıstrligi berilgen buıryqqa sáıkes ár toqsan saıyn belgili bir baǵany bekitedi. Osy rette keler jyldyń basynan bastap kólik gazynyń qunyn 10 paıyzǵa tómendetý josparlanyp otyr. Qazirgi tańda oblys boıynsha suıyq otyn lıtri 50-65 teńgeden satylýda. Aımaq ákiminiń tapsyrmasymen jaǵdaıdy turaqty baqylaýǵa aldyq. Óńirde kólikke arnalǵan gazdan bólek, benzın men kerosın qory da jetkilikti», - deıdi óńirlik kásipkerlik jáne saýda basqarmasy basshysynyń orynbasary Tımýr Sádýaqasov.