Maýglı qazaqsha sóıleıdi
ALMATY. QazAqparat - Birneshe urpaq balalyq shaǵynyń súıikti keıipkeri - Maýglı qazaqsha sóıleıtin bolady. Jańa epıkalyq shytyrman oqıǵaly qasqyrlar arsynda ósken bala týraly «Djýnglı kitaby» kınofılmi otandyq ekranǵa shyǵady.
Ony aýdarý otandyq kásibı «Aray Media Group» dybys jazý stýdııasynda jasalyp, Londondaǵy «Shepperton» stýdııasynda júıelendi. Dýblıaj rejısseri Aıjdan Jamshıtova, ol buryn «Kúlbıke», «Malefısenta» jáne basqa da fılmderdi dýblıajdaýǵa qatysqan bolatyn.
Dýblıajǵa onnan astam qazaqstandyq akterler: Bekbolat Qurmanǵojaev (Bagıra), Islam Zeınollaev (Sher-Han), Aınur Bermaganbetova (Kaa), Aqarys Ýteýilov (Maýglı) qatysty.
Balalyq shaqtan tanys, djýnglıde qasqyrlar arasynda ósken bala Maýglı tarıhy osylaısha úlken ekranǵa shyǵady. 1967 jyly túsirilgen Disney anımatsııalyq fılmi «Djýnglı kitaby» tolyqmetrajdy kórkemfılmine aınalǵan bolatyn.
