«Maýglı» qazaqsha sóıledi
ASTANA. QazAqparat - Áıgili «Djýnglı kitaby» hıkaıasy kórermen qaýymǵa qazaq tilindegi dýblıajben jol tartty, dep habarlaıdy 24.kz.
Epıkalyq, shytarman oqıǵaǵa toly fılm jabaıy tropıkalyq ormandaǵy qasqyrlar úıiriniń ortasynda ósken kishkentaı balanyń ómirin baıandaıdy. Rejısser Djon Favronyń «Djýnglı kitaby» fılmi otandyq dýblıaj sheberleriniń qazaq tilinde bıyl jasaǵan tuńǵysh týyndysy eken.
Kınokartınanyń ári men sánin keltirý úshin arnaıy 14 adam iriktelip alynǵan. Olardyń arasynda tis qaqqan tájirıbeli ártistermen birge úlken ónerge endi aıaq basyp jatqan balaqaılar da bar. Sapaly ári zamanaýı talaptarǵa saı jasalǵan dýblıaj sheteldik mamandardyń qatań baqylaýynan ótken.
