«Matthew» daýylynyń saldarynan 2 mıllıonnan astam adam evakýatsııalandy
ASTANA. QazAqparat - Tórtinshi dárejeli «Matthew» (Metıý) daýylynyń saldarynan Kýba men AQSh-ta shamamen 2 mln adam evakýatsııalandy.
Jyldamdyǵy saǵatyna 230 km quraıtyn daýyl Domınıkana respýblıkasy men Gaıtıden ótip, shamamen toǵyz adamnyń ómirin qıdy.
Sársenbige qaraǵan túni ol Kýbanyń shyǵys bóligine jetti, dep habarlady Yahoo News. Al, demalys kúnderi qatty jel men daýyldy tolqyndardyń áserin amerıkalyq Ońtústik Karolına shtaty sezinetin bolady.
Osyǵan deıin tabıǵattyń dúleı kúshiniń saldarynan Kýbada jergilikti turǵyndar qaýipsiz jerge shyǵarylǵan. Telesur habarlaǵandaı, qaýipti aımaqtan shamamen 900 myń adam shyǵaryldy. Evakýatsııa Gýantanamo, Santıago-de-Kýba, Olgın, Granma jáne Las-Týnas provıntsııalarynda jarııalandy.
Daýyldyń saldarynan aldymen Gýantanamo provıntsııasy zardap shekti. Barakoa, Maısı jáne Imıas qalalarynda qatty jel boldy. Jeldiń jyldamdyǵy saǵatyna 120 kılometrge jetedi, bıik tolqyndar jaǵajaılardy shaıyp ketip jatyr.
Kýbada zardap shekkender týraly aqparat ázirge joq, dep jazdy aqpaart quraldaryna silteme jasaǵan Newsru.
