«Mátibulaq» polıgonynda zenıttik bólimshelerdiń dalalyq jıyndary ótedi (FOTO)

ASTANA. QazAqparat - «Ońtústik» óńirlik qolbasshylyǵyna qarasty «Mátibulaq» jalpyáskerı oqý-jattyǵý polıgonynda dalalyq jıyndar bastalady. Qazaqstannyń barlyq Qarýly Kúshterinen jınalǵan áýe shabýylyna qarsy qorǵanystyń zenıttik bólimsheleri, áskerı tehnıka men qarý-jaraq polıgon jaǵdaıynda bir aı ótkizedi.
None
None

Jaýyngerler ZÝ-23-2 zenıttik qurylǵylardan jáne tasymaldanatyn zenıt-zymyrandyq keshennen jaýyngerlik oq atý boıynsha praktıkalyq daǵdylaryn jetildiredi, jaýyngerlik jáne dene daıarlyǵy boıynsha synaq tapsyrady, sondaı-aq bólimshelerdiń saıysy ótedi, dep habarlady QR QM baspasóz qyzmeti.

Komandır ulan kapıtany Dáýren-Daýyr Sabyrdyń basshylyq etýimen jıynǵa qatysatyn teńiz jaıaý áskeri brıgadasy zenıttik dıvızıonynyń tehnıkasy men jeke quramy bar eshelondardyń biri Mańǵystaý oblysynan ońtústik polıgonǵa attanýǵa daıyn. Búgin temirjol kóligine tehnıka tıeý tolyq aıaqtaldy.

Teńiz jaıaý áskeri brıgadasy zenıttik dıvızıonynyń áskerı qyzmetshileri mundaı jıyndarǵa jyl saıyn qatysatynyn aıta ketken jón. Alaıda, bıylǵy jyly alǵash ret polıgonǵa ózderiniń tehnıkasymen keledi. Komandırdiń aıtýy boıynsha jıynǵa daıyndalýǵa 20 kún ketti. Brıgadadan barlyǵy 50-den astam zenıtshi áskerı qyzmetshi tartylatyn bolady.

Сейчас читают