«Mátibulaq» polıgonynda qaza bolǵan áskerılerdiń otbasylaryna tólenetin birjolǵy ótemaqylardyń kólemi naqtylandy
ASTANA. 1 naýryz. QazAqparat - Keıbir BAQ-tar jerdegi áskerlerdiń «Mátibulaq» polıgonynda ótken toptyq-taktıkalyq oqýlary barysynda qaza bolǵan áskerılerdiń otbasylaryna beriletin birjolǵy ótemaqylar týraly burys aqparattar taratyp otyr.
Bul týraly búgin QR Qorǵanys mınıstrliginiń baspasóz qyzmetinen málimdep, máseleni anyqtap berdi.
«Áskerı qyzmetkerler men olardyń otbasy músheleriniń dárejesi týraly» QR Zańynyń «Áskerılerdiń ólimi (qazasy) nemese zardap shegýi kezindegi kepilder» týraly 14 babynda: «Áskerı qyzmetkerge áskerı qyzmetin óteý kezinde nemese áskerı mindetti qyzmetker áskerı jıyndarǵa shaqyrylǵan kezde qaıtys bolyp (qaza tapsa), mertikken bolsa, birjolǵy ótemaqy tólenedi. Áskerı qyzmetker qyzmet barysynda qaıtys (qaza) bolǵan jaǵdaıda, bolmasa qyzmetin óteý barysynda alǵan jaraqatyna (kontýzııa), syrqatyna baılanysty qyzmetten shyǵarylǵan bolsa, onyń muragerlerine (muragerlik týraly qujattar usynylǵan jaǵdaıda), áskerı qyzmetker qaıtys bolǵan (qaza) kúnge deıin alyp kelgen qyzmetiniń alty aılyq jalaqysy kóleminde birjolǵy ótemaqy tólenedi», - delingen baspasóz qyzmeti taratqan aqparatta.
