Materıaltanýshy ǵalymdar arasyndaǵy alǵashqy onlaın-konferentsııaǵa shet elderden 70 ǵalym qatysty
Shyǵys Qazaqstan tehnıkalyq ýnıversıtetiniń bazasynda jetekshi ınjenerlerdiń qatysýymen Halyqaralyq ǵylymı-tehnıkalyq konferentsııa ótti. Onlaın formattaǵy sharaǵa álemniń birqatar memleketterinen 70-ten astam ǵalym qatysty.
«Konferentsııa jumysy 4 bólimge bólindi. Birinshiden, ǵalymdar zamanaýı materıaldar óndirisi, ınjenerlik materıaldar men qosymshalar týraly aıtty. Sonymen qatar materıaldardy zertteýdiń ozyq ádisteri sóz etildi. Norvıch ýnıversıtetiniń professory, Nortfıld, (AQSh) Karolına Paıares-Asprıno jáne Kýrchatov qalasyndaǵy UǴO RMK Atom energııasy ınstıtýtynan kelgen Artýr Sýraevtar baıandama jasady. Ekinshi bólimde betti óńdeý jáne jabý protsesterine basa nazar aýdaryldy. Óz zertteýleriniń nátıjelerin ulttyq tehnologııalyq ınstıtýtynan M. Krıshna Pandı Sılchar men «Prof. P. Kuppusami» Satıabama ǵylym jáne tehnologııa ınstıtýtynan professor P. Kýppýsamı bólisti. Ekeýi de Úndistannan kelgen ǵalymdar. Osyndaı halyqaralyq forým jas ǵalymdar úshin óz múmkindikterin usynýǵa taptyrmas shara», - dep habarlady ýnıversıtettiń baspasóz qyzmeti.
Aıta ketý kerek, bul materıaltanýshy ǵalymdar arasyndaǵy alǵashqy aýqymdy onlaın-konferentsııa.
