Materıaldyq, uıymdastyrýshylyq resýrstary joq advokatýra qoǵamdaǵy quqyq qorǵaýshy salalardyń eń álsizi bolyp otyr - halyqaralyq konferentsııa
ASTANA. Jeltoqsannyń 21-i. QazAqparat /Aıdar Ospanalıev/ - Memlekettiń múmkindikterimen salystyrǵanda ne materıaldyq ne uıymdastyrýshylyq resýrstary joq advokatýra qoǵamdaǵy quqyq qorǵaýǵa baǵyttalǵan salalardyń eń álsizi.
Bul týraly búgin Parlament Májilisinde «Qazaqstan Respýblıkasyndaǵy advokatýrany damytý» atty taqyrypta ótken halyqaralyq konferentsııa barysynda Almaty qalalyq advokattar alqasynyń tóraǵasy Kenjeǵalı Qarshegenov aıtty, dep habarlaıdy QazAqparat.
Onyń sózine qaraǵanda, advokatýra adam quqyqtary men bostandyqtaryn qorǵaýmen aınalysatyn azamattyq qoǵamnyń belsendi múshesi. Advokatýra kásibı qorǵaýshy retinde ózin-ózi basqarýǵa quqyly jáne ol ózin-ózi qarjylandyryp, onyń qyzmetine zańnan tys eshkim de aralaspaýy qajet. «Osy oraıda aıta ketetin másele, azamattardyń quqyqtary men demokratııalyq jolmen damyp kele jatqan memlekettiń ıdealdaryn qorǵaý jáne ádiletti sot sheshimin myqty, táýelsiz advokatýrdyń kómeginsiz qamtamasyz
etý múmkin emes. Óıtkeni bul sala qashanda azamattardyń qundylyqtarynyń jaqtaýshysy bolyp kelgen», dedi advokattar alqasynyń tóraǵasy.
Onyń pikirinshe, búginde adam quqyqtary men advokattardyń qyzmetin jetildirýdi tolyǵymen sheshken memleket joqqa tán. «Soǵan qaramastan, bul jaǵdaı bizdiń ortaq maqsattarymyzǵa tejeý bolmaýy tıis. Bul máseleni Qazaqstan advokattary búgin ǵana kóterip otyrǵan joq. Atalmysh salanyń qyzmetin damytý baǵytynda elde osyǵan deıin qyrýar sharalar atqaryldy da. Soǵan qaramastan, bul baǵytta qolǵa alýdy qajet etetin problemalar áli de jeterlik», dedi K.Qarshegenov.
