Materıaldyq rezervter máselesi boıynsha TMD elderiniń ózara is-qımyly talqylandy

ASTANA. QazAqparat - Astana qalasynda TMD-ǵa múshe memleketterdegi memlekettik materıaldyq rezervterdi basqarý salasyndaǵy memlekettik organdardyń basshylary konsýltatıvtik keńesiniń HІV otyrysy ashyldy, dep habarlaıdy Qazaqstan Respýblıkasy Qorǵanys jáne aeroǵarysh ónerkásibi mınıstrliginiń baspasóz qyzmeti.

Alǵashqy sóz QR Qorǵanys jáne aeroǵarysh ónerkásibi mınıstri Beıbit Atamqulov sóıledi. Óz sózinde ol tótenshe jaǵdaılar, tabıǵı jáne tehnogendi apattar kezdegi memlekettik materıaldyq rezerv júıesiniń rólin atap ótti.

Іs-sharaǵa Belarýs Respýblıkasy Tótenshe jaǵdaılar mınıstrliginiń Materıaldyq rezervter departamentiniń bastyǵy E.V. Bondar, Qyrǵyz Respýblıkasynyń Úkimeti janyndaǵy Memlekettik materıaldyq rezervter qory tóraǵasy K.A. Aıdarov, Moldova Respýblıkasy Іshki ister mınıstrliginiń Materıaldyq rezervter agenttiginiń dırektory E.V.Gajıý, Rozrezerv basshysynyń orynbasary E.V. Abramova, Tájikstan Respýblıkasynyń Úkimeti janyndaǵy Memlekettik materıaldyq rezervter agenttiginiń dırektory N.A. Ahmadzoda qatysty.

Konsýltatıvtik keńes otyrysynyń jumysyn Qorǵanys jáne aeroǵarysh ónerkásibi mınıstrligi Memlekettik materıaldyq rezervter komıtetiniń tóraǵasy B.Z. Imanálıev basqardy.

Kezdesý barysynda memlekettik materıaldyq rezervter júıelerin ǵylymı-tehnıkalyq damytý salasyndaǵy TMD-ǵa qatysýshy memleketterdiń konsýltatıvtik keńesi men negizgi uıymynyń jumysynyń qorytyndylary, ótken jylǵa kadrlardy qaıta daıarlaý jáne biliktiligin arttyrýdy uıymdastyrý máseleleri talqylandy.

Budan basqa, TMD-ǵa qatysýshy memleketterdiń memlekettik materıaldyq rezervter ulttyq júıesin damytý jáne saqtaý merzimderin ulǵaıtý jáne materıaldyq qundylyqtardy saqtaý salasyndaǵy ınnovatsııalyq ázirlemeler máseleleri qaraldy.

Talqylaý barysynda qatysýshylar memlekettik qorlar júıesin tsıfrlandyrý, sondaı-aq radıatsııalyq jáne hımııalyq qorǵaý máselelerin sheshý boıynsha tájirıbe almasty.

Kezdesý sońynda tıisti hattamaǵa qol qoıyldy.

Aıta keteıik, Konsýltatıvtik keńestiń negizgi qyzmeti memlekettik materıaldyq rezervter resýrstaryn qalyptastyrý, saqtaý jáne qyzmet kórsetý boıynsha kópjaqty yntymaqtastyqty damytý, olardy tótenshe jaǵdaılardyń aldyn alý jáne olardy joıý, gýmanıtarlyq kómek kórsetý, tájirıbe almasý, sondaı-aq kadrlardy kásibı daıarlaýdy uıymdastyrý jáne qyzmetkerlerdiń biliktiligin arttyrý. bolyp tabylady.

Konsýltatıvtik keńes TMD elderiniń memlekettik materıaldyq rezervter salasyndaǵy salalyq yntymaqtastyqtyń jalǵyz organy bolyp tabylady.