Materıaldyq emes mádenı murany qorǵaý týraly konventsııany júzege asyrýdaǵy ulttyq áleýetti arttyrý máselesi talqylanýda

Sharaǵa ıÝNESKO Bıýrosynyń Qazaqstandaǵy, Qyrǵyzstan men Tájikstandaǵy ókilderi, ıÝNESKO men ISESKO isteri jónindegi Ulttyq komıssııa, múddeli mınıstrlik qyzmetkerleri men sarapshylary qatysýda. Trenıng aıasynda 6-10 sáýir kúnderi aralyǵynda qatysýshylar elimizdegi materıaldyq emes qundylyqtardy tıimdi saqtaýdyń múmkindikterin talqylaıtyn bolady. Sonymen qatar, qatysýshylardy ıÝNESKO Konventsııasy boıynsha materıaldyq emes qundylyqtardy saqtaý jónindegi sharalarǵa úıretý kózdeledi. Esterińizge sala keteıik, 2011 jyldyń 28 jeltoqsanynda ıÝNESKO-nyń bas dırektoryna Qazaqstannyń materıaldyq emes mádenı murany qorǵaý týraly konventsııany ratıfıkatsııalaǵany týraly akt berilgen bolatyn.  Osylaısha, Qazaqstan Konventsııaǵa qatysýshy 142-nshi memleket atandy.  Al Konventsııanyń 34-babyna sáıkes, qujat Qazaqstan boıynsha ratıfıkatsııalanǵany týraly akti berilgen kúnge úsh aı tolǵanda, ıaǵnı 2012 jyldyń 28 naýryzynda kúshine endi.

Esterińizge sala keteıik, Konventsııanyń maqsaty materıaldyq emes mádenı murany qorǵaý, tıisti qoǵamdastyqtardyń, toptardyń jáne jekelegen adamdardyń materıaldyq emes murasyn qurmetteý, jergilikti, ulttyq jáne halyqaralyq deńgeıde materıaldyq emes mádenı muranyń jáne onyń ózara tanylýynyń mańyzdylyǵyna nazar aýdarý bolyp tabylady.

Bul rette materıaldyq emes mádenı mura materıaldyq emes mádenı murany ıelenýshi retinde tildi qosa alǵanda, oıdy jetkizýdiń aýyzsha dástúrleri men nysandaryn; oryndaýshylyq ónerdi; ádet-ǵuryptardy, salt-joralardy, meıramdardy, tabıǵat pen dúnıege qatysty bilimderdi; dástúrli kásipshiliktermen baılanysty bilimder men daǵdylardy bildiredi. Qujattyń negizgi maqsaty adamzattyń materıaldyq emes qundylyqtaryn zertteý, olardy qorǵaý jóninde shara qoldaný jáne bul másele boıynsha halyqaralyq yntymaqtastyq ornatý bolyp tabylady. Konventsııa 2003 jyly qazanda Parıj qalasynda ıÝNESKO-da qabyldanǵan.