Materatstsı 2006 jylǵy álem birinshiliginde Zıdannan ne úshin taıaq jegen? (VIDEO)
ASTANA. QazAqparat - Fýtboldan Italııa quramasynyń burynǵy qorǵaýshysy Marko Materatstsı osydan 10 jyl burynǵy birinshiliktiń fınalynda Frantsııa quramasynyń aıaqdop sheberi Zınedın Zıdanmen bolǵan kıkiljińge baılanysty pikirin bildirdi, dep jazady 24.kz.
Esterińizde bolsa, 2006 jylǵy álem chempıonatynyń aqtyq synynda Zıdan Materatstsıdiń keýdesin baspen uryp, nátıjesinde ıtalıandyq eki búktelip tústi. Bul áreketi úshin frantsýz qyzyl qaǵaz alyp, alańnan qýylǵan. Al Frantsııa qaqpasyna tóreshi penaltı belgilegen bolatyn. Osydan soń Zızýdyń ashýyna tıetindeı Materatstsıdiń sonshalyqty ne aıtqany fýtbol áleminde ábden talqyǵa salynyp, basylymdar ıtallıandyq qorǵaýshynyń Zınedınniń anasyn balaǵattaǵanyn jarysa jazdy. Materatstsı sol joly shynymen de frantsýzdyń namysyna tıgen sóz aıtqanyn araǵa 10 jyl salyp moıyndap otyr. «Men rasynda da aqymaqtyqpen dóreki sóz aıttym, biraq onyń ózi Zıdannyń dál osylaısha áreket etýine turmaıdy. Rım, Neapol, Týrın, Mılan, tipti Parıjdiń kez kelgen bóliginen odan da aýyr sózderdi estýge bolady. Meniń aıtqanym, onyń anasyna emes, ápkesine qatysty bolatyn», - deıdi Materatstsı.
