Matematıkadan ótken eki halyqaralyq olımpıadanyń bas júldesin Taldyqorǵan qalasynyń oqýshysy jeńip aldy
ALMATY. Naýryzdyń 10-y. QazAqparat /Názıra Eleýhan/- Búgin aıaqtalǵan XXI Azııa-Tynyq muhıt (ATMMO) jáne IX «Jibek Joly» (JJMO) matematıkalyq olımpıadalardyń bas júldesin Taldyqorǵan qalasynyń №20-shy mektep-lıtseıdiń 11-shi synyp oqýshysy Qanat Satylhanov jeńip aldy,
dep habarlaıdy QazAqparat.
Bunymen qatar, ATMMO-nyń segiz jáne JJMO-nyń alty júldegeri anyqtaldy.
«Bıylǵy jyly qazaqstandyq oqýshylar ótken jylǵyǵa qaraǵanda óte jaqsy, tabysty óner kórsetti. 2009 jyly eń úzdik oqýshy 15 ball jınasa, bıyl, jetinshi júldeger 16 baldyq nátıjeni kórsetti. Eki olımpıada da qıyndyǵy jaǵynan óz deńgeıine laıyqty boldy», dedi matematıkalyq olımpıadalardyń ádilqazylar tóraǵasy Erjan Baısalov. Onyń aıtýynsha, ústimizdegi jyly qazaqstandyq komanda Halyqaralyq balkan olımpıadasyna qatysady. «Bul olımpıada Astanada ótetin Álemdik olımpıadaǵa sońǵy daıyndyq bolady», dep atap ótti E. Baısalov.
Ál-Farabı atyndaǵy QazUÝ-i men "Daryn" Respýblıkalyq ǵylymı-praktıkalyq ortalyǵynyń uıymdastyrýymen ótken olımpıadaǵa 120 qazaqstandyq oqýshy qatysty.
