Matematıkadan QR quramasy Grekııa olımpıadasynda 3-oryn aldy
ASTANA. QazAqparat - Grekııanyń Rodos qalasynda ótken matematıkadan Jasóspirimderdiń halyqaralyq Balqan olımpıadasynda Qazaqstan quramasy úshinshi oryn aldy, dep habarlaıdy QazAqparat QR Bilim jáne ǵylym mınıstrligine silteme jasap.
Qazaqstan quramasy 22 eldiń ókilderi arasynda Rýmynııa men Serbııadan keıingi 3-oryn alsa, 7 qonaq eldiń ishinde 1-orynǵa taban tiredi.
Halyqaralyq olımpıada qorytyndysy boıynsha Qazaqstan quramasy 2 altyn, 3 kúmis, 1 qola medal jeńip aldy. Atap aıtqanda, Danat Dúısenbekov (Astana qalasy, Bilim ınnovatsııa lıtseıi) pen Nurtas Shyntas (Almaty qalasy, Bilim ınnovatsııa lıtseıi) altyn alsa, Asylbek Oljabaev (NZM, Almaty qalasy), Tamerlan Býrambaev (RFMM, Astana qalasy), Toǵjan Shyntaı (№165 mamandandyrylǵan lıtseı, Almaty qalasy) kúmis medal ıelendi. Al «qola» ıAroslav Toporovqa (RFMM, Almaty qalasy) buıyrdy.
Olımpıadaǵa barlyǵy 132 jas matematık qatysty. JBMO-2019 Kıprda ótedi.
