Match aýyr bolady: Kıevtiń bapkeri «Dınamonyń» «Astanamen» oıynyna baǵa berdi
ASTANA. QazAqparat - Búgin keshke qazaqstandyq «Astana» ÝEFA Eýropa Lıgasy toptyq raýndynyń 5-kezeńi aıasynda óz alańynda «Dınamomen» (Kıev) kezdesedi, dep habarlaıdy QazAqparat.
Osy match týraly kıevtik «Dınamonyń» kezinde tanymal fýtbolshysy bolǵan Anatolıı Demıanenko Sports.kz-ke óz pikirimen bólisti.
«Men «Astananyń» matchtaryn kórdim. Qazaqstandyq komanda óz úıinde jaqsy oınaıdy. Sondyqtan, «Dınamoǵa» aldaǵy match qıyn bolmaq. Kezdesý basqa jaqta ótse de, óz úıinde bolsa da, kez kelgen jaǵdaıda ár komandanyń jeńiske jetetin múmkindigi bar. Bul matchty 50-de 50 dep baǵalap otyrmyn», - dep túıindedi burynǵy fýtbolshy jáne jattyqtyrýshy.
