Mataı stansasyndaǵy temirjol ótkelinde kólik poıyzben soqtyǵysty

ASTANA. KAZINFORM — 18 mamyr kúni saǵat 17:35–te Jetisý oblysy Mataı stansasyndaǵy temirjol ótkelinde «Mitsubishi Pajero» markaly jeńil kólik pen júk poıyzy soqtyǵysty, dep habarlaıdy «Qazaqstan temir joly» UK.

— Oqıǵa saldarynan qaza tapqandar men jaraqat alǵandar joq. Alaıda kólik júrgizýshisi oqıǵa ornynan qashyp ketken. Qazirgi tańda onyń tulǵasy anyqtalyp jatyr, — delingen habarlamada.

«Qazaqstan temir joly» ulttyq kompanııasy baspasóz qyzmetiniń málimetinshe, oqıǵanyń sebebi — júrgizýshiniń jol qozǵalysy erejelerin buzýy.

Buǵan deıin QTJ Qaırat – Baıserke aralyǵyndaǵy temirjoldan máıit tabylýyna baılanysty túsinikteme berdi.