Mataevtyń qaramaǵyndaǵy qyzmetkerler sotta memlekettik aqparattyq tapsyrysty iske asyrýdaǵy zań buzýshylyqtardy aıtty
ASTANA. QazAqparat - Astana qalasy №2 Esil aýdandyq soty Seıitqazy men Áset Mataev isi boıynsha sot úrdisin jalǵastyrýda. Sot otyrysynyń kezekti kúni sotqa «QazTAG» HAA qyzmetkerleri shaqyrtyldy.
Budan buryn tergeý 2010-2015 jyldar kezeńinde Seıitqazy Mataev uly «QazTAG» HAA» JShS bas dırektory Áset Matevpen aldyn ala sóz baılasý arqyly tulǵalar tobynda aldaý jáne senimdi teris paıdalaný jolymen asa iri kólemde memlekettik satyp alý salasyndaǵy bıýdjettik qarajatty jymqyrǵany anyqtady, soma 169 mln teńgeni quraıdy.
«QazTAG» HAA» JShS bas redaktory Tatıana Óteýlıevanyń aıtýynsha, aqparattyq agenttik basshylyǵy qyzmetkerlerin memlekettik aqparattyq saıasatty iske asyrý boıynsha sharttardyń tehnıkalyq ereksheligimen tanystyrmaǵan. Osylaıda jýrnalısterge naqty taqyryptardy jarııalaý úshin naqty nusqaý berilmegen.
QazTAG-tyń ortalyq-azııalyq áriptestermen ózara is-áreketi prokýrorlar men sýdıalardyń erekshe qyzyǵýshylyǵyn týdyrdy. Tatıana Ýteýlıevanyń aıtýynsha, KırTAG, AfTAG, ÝzTAG jáne TadjıkTAG keńseleri Almatyda Ulttyq baspasóz klýby ǵımaratynda bolǵanyn, ıaǵnı agenttikte Ortalyq Azııadan naqty eshqandaı áriptes bolmaǵan, alaıda solardyń esebinen QazTAG-qa 2014 jylǵa memlekettik aqparattyq tapsyrys berilgen.
«Barlyq osy saıttar fızıkalyq túrde Almatyda bir serverge ornalastyryldy», - dep Tataıana Ýteýlıevanyń sózin rastady osy saıtqa qyzmet kórsetetin baǵdarlamashy Nıkıta Krasýlın.
«Keı jańalyqtar jabyq formatta jarııalandy. Jańalyqtardyń ashyqtyǵy týraly sheshimdi Áset Mataev qabyldady. Jańalyq materıaldaryna jazylý 5 myń teńge turady», - dedi HAA shyǵarýshy redaktory Irına Gýmyrkına.
