Mataevtardyń isi: Kýáger «QazTAG»-qa qatysty bylyqtardyń betin ashty
ASTANA. QazAqparat - Astanadaǵy №2 Esil aýdandyq sotynda Seıitqazy jáne Áset Mataevtardyń qylmystyq isi boıynsha sot protsesi jalǵasyp jatyr. Bul jolǵy sot otyrysyna «QazTAG» halyqaralyq aqparat agenttiginiń (HAA) qyzmetkerleri shaqyrylyp, sotqa jaýap berdi.
Aıta ketelik, sotqa deıingi tergeý is-sharalarynan anyqtalǵandaı, 2010-2015 jyldar aralyǵynda Seıitqazy Mataev óz uly - «QazTAG HAA» JShS-iniń bas dırektory Áset Mataevpen birlesip aldyn-ala bir top adamdarmen sóz baılasyp, aldaý men senimdi teris maqsatqa paıdalaný jolymen memlekettik satyp alý salasyndaǵy iri kólemdegi bıýdjet qarajatyn jymqyrdy. Urlanǵan aqshanyń kólemi 169 mln. teńgeni quraǵan.
«QazTAG HAA» JShS-iniń bas redaktory Tatıana Óteýlıeva sotqa bergen jaýabynda aqparattyq agenttiktiń basshylyǵy óz qyzmetkerlerine memlekettik aqparattyq saıasatty iske asyrý boıynsha jasalǵan kelisim-sharttardyń tehnıkalyq erekshelikteri jóninde eshqandaı aqparat bermegenin áńgimeledi. Sol sebepten tilshilerge naqty taqyryptar boıynsha maqalalar jazýǵa aıqyn nusqaýlar berilmegen.
Sot otyrysynda sýdıa men prokýrorlar QazTAG-tyń ortaazııalyq áriptesterimen ózara is-áreketi jónindegi máselege erekshe qyzyǵýshylyq tanytty. Tatıana Óteýlıeva óz jaýabynda QyrTAG, AýǵanTAG, ÓzTAG, TájikTAG sııaqty aqparattyq agenttikterdiń keńseleri Almatydaǵy Ulttyq baspasóz klýbynyń ǵımaratynda ornalasqanyn aıtty. ıAǵnı shyndap kelgende QazTAG-tyń Ortalyq Azııada eshqandaı áriptesteri bolmaǵan. Biraq dál solardyń esebinen QazTAG halyqaralyq aqparat agenttigine 2014 jyly memlekettik aqparattyq saıasatty nasıhattaýǵa tapsyrys berilgen.
«Іs júzinde atalǵan saıttardyń barlyǵy Almatydaǵy bir serverde ornalasty»,- dep rastady Tatıana Óteýlıevanyń sottaǵy sózin QyrTAG, AýǵanTAG, ÓzTAG, TájikTAG saıtaryna qyzmet kórsetken programmalaýshy maman Nıkıta Krasýlın. QazTAG HAA-iniń shyǵarýshy redaktory Irına Gýmyrkaınanyń aıtýynsha, keıbir jańalyqtar jabyq formatta jarııalanyp otyrǵan. «Jańalyqtardyń ashyqtyǵy týraly sheshimdi tek Áset Mataevtyń ózi qabyldaıtyn. Jańalyqtarǵa jazylý quny 5 myń teńgeni qurady»,- dep áńgimeledi sotta I. Gýmyrkına.
Ámirlan Álimjan
