MATAEVTAR ІSІ: «UBK» QB ornalastyrǵan «Qazaqtelekom» materıaldarynyń qunyn 143 mln. teńgege asyryp kórsetken

Búgin sot zalynda «Bıznes-aýdıt» JShS-niń mamany Evgenıı ıÝnýsov «Ulttyq baspasóz klýby» qoǵamdyq birlestigine júrgizilgen tekserý qorytyndysy boıynsha  kommertsııalyq emes uıym túrinde klýbtyń 5 jyldyq qyzmetindegi kirister men shyǵystar arasyndaǵy aıyrmashylyq 1,1 mlrd. teńgeni quraǵanyn aıtty.

 Kýáger ıÝnýsov aýdıtorlyq tekserýdiń býhgalterlik esep-qısap pen bastapqy qujattardyń tolyq bolmaýy saldarynan qıynǵa soqqanyn atap ótti. Onyń sózine qaraǵanda, 2012-2013 jyldar ishindegi jekelegen qujattar men baspa basylymdary salynǵan eki papka ǵana bolǵan.

«2011 jyldyń 1 qańtarynan 2015 jyldyń jeltoqsanyna deıingi kezeńdegi «UBK» QB-nyń kirisi 1 368 136 794 teńgeni quraǵan. Esepshot-faktýralary men baspa basylymdarda kórsetilgen qyzmetter men oryndalǵan aktilerdiń elektrondy túrdegi bank úzindi kóshirmeleriniń málimetteri boıynsha shyǵys 264237450 teńgege teń. Kiristiń jalpy somasy men shyǵystardyń jalpy somasy arasyndaǵy aıyrma 1 103 899 343 teńgeni quraıdy», - dedi sarapshy.

Sonymen qatar onyń aıtýynsha, qoǵamdyq birlestiktiń 2011-2015 jyldary kezeńindegi  elektrondy túrdegi bank úzindi kóshirmelerindegi málimetterge sáıkes jalǵa berýden jalpy somasy 776 727 642 teńge aqsha qarajatyn alǵan.  Munan ary «UBK» QB «UBK» JShS-ine bólme-jaılardy jaldaǵany úshin 3900 myń teńge aqsha qarajatyn aýdarǵan. Jalǵa berýden alǵan kiris pen «UBK» QB-nyń «UBK» JShS-ine jaldaý tólemi shyǵysynyń arasyndaǵy aıyrma 772 827 642 teńgeni quraıdy. ıAǵnı, atalǵan soma qoǵamdyq birlestikte qalǵan.

Kýáger ıÝnýsovtyń aıtýynsha, «UBK» QB-ine «Qazaqtelekom» ornalastyrǵan jarnamalyq-aqparattyq materıaldardyń quny 143 960 753 astam teńgege asyryp kórsetilgen.

Esterińizge sala keteıik, tekserý aktisine sáıkes, Seıtqazy Mataev jaltarǵan salyq bereshegi korporatıvtik tabys salyǵy boıynsha 179,3 mln jáne jeke tabys salyǵy boıynsha 65,5 mln. teńgeni quraıdy.